चितवन,साउन २१ : चितवनमा सञ्चालित ‘मोबाइल क्लिनिक’ सेवा जारी रहने राष्ट्रिय स्वतन्त्र पार्टीका सभापति रवि लामिछानेले बताएका छन् । मोबाइल क्लिनिकका रुपमा सञ्चालनमा ल्याएको एम्बुलेन्स पुरानो मेडिकल कलेजमा फिर्ता भएपनि सेवा जारी रहने उनले सामाजिक सञ्जालमा लेखेका छन् ।
‘मोबाइल क्लिनिकमा हामीलाई प्राप्त गाडी मात्र परिवर्तन हुन लागेको हो। मोबाइल क्लिनिक चालू छ। आज जुगेडी क्षेत्रमा बा आमाको सेवामा हुनेछ,’ उनले लेखेका छन् । ६५ वर्षभन्दा माथिको उमेरका बिरामीका लागि छिट्टै २ वटा मोबाइल क्लिनिक सेवा सञ्चालनमा ल्याउने उनले बताए ।
ब्लु बसमा पनि कुनै समस्या नभएको उनको दाबी छ । लामिछानेले महिलाहरूका लागि निःशुल्क सञ्चालन गरेको बसको रंग अनुमति नलिई परिवर्तन गरेको पाइएको छ ।
‘मान्छेको पछि लाग्न छोडेर अब गाडीको पछि? भोलि टायर पुरानो भनेर लेख्न तयार हुनु होला। हैट हेडलाईन आतंक.. हैरानी । सक्दैनौ, सक्दै त सक्दैनौ,’ उनले भनेका छन् ।
हेनुहोस् उनको फेसबुक स्टाटस्ः
