नेपाली कांग्रेस गलकोट नगर कार्यसमितिको आयोजनामा गलकोट नगरपालिकामा नेपाली कांग्रेसको प्रथम नगर सम्मेलन सम्पन्न भएको छ ।
कार्यक्रममा नेपाली कांग्रेसका केन्द्रिय सदस्य कुन्दनराज काफ्लेले युवाहरुलाई वैदेशिक रोजगारमा जान रोक्नको लागि तिनै तहका सरकारले युवामुखी कार्यक्रम ल्याउनुपर्नेमा जोड दिनुभएको थियो ।
उक्त कार्यक्रममा नेपाली कांग्रेस गलकोट नगर समितिका सचिव लोकनाथ कडेँलले साँगठनिक प्रतिवेदन र कोषाध्यक्ष चिरञ्जिवी मरासिनीले आर्थिक प्रतिवेदन प्रस्तुत गर्नुभएको थियो ।
कार्यक्रममा नेपाली कांग्रेसको पुर्व जिल्ला सभापति कुलराज गौतम, संविधान सभा सदस्य नर बहादुर पुन (निरज), नेपाली कांग्रेस जिल्ला सह सचिव फम बहादुर खत्री, नेपाली कांग्रेसका महाअधिवेशन प्रतिनिधी तथा गलकोट नगरपालिकाका नगरप्रमुख भरत शर्मा गैरे, नेपाली कांग्रेसका महाअधिवेशन प्रतिनिधी तथा गलकोट नगरपालिकाका निवर्तमान नगर उपप्रमुख रेनुका काउचा मगर लगायतले मन्तव्य राख्नुभएको थियो ।
कार्यक्रम नेपाली कांग्रेस गलकोट नगर समितिका अध्यक्ष विरजंग भण्डारीको अध्यक्षता, उपाध्यक्ष यज्ञ प्रसाद सापकोटाको स्वागत र सचिव योगेश भण्डारीको सञ्चालनमा सम्पन्न भएको थियो ।
