नेपाल कम्युनिष्ट पार्टी (माओवाद केन्द्र)को तीन महिने अभियान अन्तर्गतका कार्यक्रम रुकुम पुर्वमा सुरु भएको छन । सोही क्रममा आज जिल्ला समन्वय समितिको विस्तारित बैठक बसेको छ । यो बैठक भोलिसम्म चल्ने बताइएको छ । जनजनमा माओवादी, घरघरमा माओवादी भन्ने नाराका साथ माओवादी विशेष रुपान्तरण अभियान अहिले देशव्यापी रुपमा चलिरहेको छ । यहि अभियानको थालनी रुकुम पुर्वमा पनि सुरुआत भएको हो ।
केन्द्रिय तथा प्रदेश स्तरका नेताहरुको उपस्थितिमा बसिरहेको बैठकमा आज तिन वटै पालिकाले रिपोर्टिङ गरेका थिए । बैठकमा उपस्थितहरुले पनि आफ्नो मनमा लागेका कुरा, प्रश्न तथा सल्लाह सुझावहरु राखेका थिए ।
भोलि केन्द्रियस्तरका नेताले बैठकमा उठेका प्रश्नहरुको जवाफ दिने कार्यक्रम रहेको नेकपा माओवादी केन्द्रका केन्द्रिय सदस्य एवं जिल्ला इन्चार्ज तेजबहादुर ओलिले जानकारी दिनुभयो ।
रुकुम पूर्व जिल्ला समन्वय समितिकाे बैठकले जिल्लामा अभियानको पहिलो चरणका कार्यक्रमहरु तयारी बैठक, भेटघाट लाई तिब्र पारिएको पाटीकाे केन्द्रिय सदस्य तथा वाईसीएल नेपालका केन्द्रीय अध्यक्ष सुबाेदराज सेर्पालीले बताउनुभएको छ । उहाँका अनुसार “घर–घरमा माओवादी, जन–जनमा माओवादी” भन्ने नारा दिएर पार्टी नेताहरुलाई अन्तर जिल्ला तथा वडाहरुमा पठाएको हाे ।
त्यस्तै अध्यक्ष सेर्पालीले पार्टीलाई नविकरण र विस्तारको माध्यमबाट पार्टी सदस्यता संख्या ८ लाख पु¥याउने लक्ष्य राखेर पार्टीका सबै जन वर्गिय संगठन तथा मोर्चाका नेताहरुलाई वडा तथा टोल–टोलमा खटाईएको बताउनुभयो ।
प्रमुख अतिथी नेकपा(माओवादी केन्द्र)का केन्द्रिय सचिव तथा लुम्बिनी प्रदेश ईन्चार्ज हित मानशाक्यले पार्टीका सबै समस्या बुझ्न र जनताका समस्याको समाधान गर्न सबै पार्टी नेता कार्यकर्ता लाग्नु पर्ने बताउनु भयो । बैठकमा निर्देशनात्मक तथा प्रशिक्षणात्मक अभिव्यक्ती दिदै ईन्चार्ज शाक्यले जन–जनमा माओवादी केन्द्रले गरेका उपलब्धीबारे जनतालाई बुझाईने पनि बताउनुभएकाे छ ।
“जनतासँग माओवादी विशेष रुपान्तरण अभियान”का इन्चार्ज तथा पाटीका केन्द्रीय सदस्य कमला राेकाको अध्यक्षतामा बसेको बैठकमा नेकपा(माओवादी केन्द्र)का केन्द्रिय सचिव तथा लुम्बिनी प्रदेश ईन्चार्ज हित मान शाक्यकाे प्रमुख आतिथ्यता रहेको थियो ।
त्यस्तै बैठकमा माओवादी केन्द्रका स्थाई समिति सदस्य तथा लुम्बिनी प्रदेश अध्यक्ष सुदर्शन बराल, पाटीका केन्द्रीय सदस्यहरु कमला राेका,दलजित शेर्पाली, तेजबहादुर ओली, साेबधराज शेर्पाली, राेल्पा जिल्लाका पाटी इन्चार्ज तथा केन्द्रीय सदस्य राज बहादुर बुढा, पाटीका वैकल्पिक केन्द्रीय सदस्यहरु मेघ बहादुर श्रेष्ठ, रामसुर बुढा, प्रदेश समिति सदस्यहरु, जिसस समिति पदाधिकारी तथा सदस्यहरु,पालिका स्तरका नेता तथा कार्यकर्ता, जनवर्गीय संगठनका इन्चार्ज तथा अध्यक्षहरुकाे उपस्थिति रहेको थियो ।
