चनौली, भदौ १६ : नेपाल रेडक्रस सोसाईटी चनौली उपशाखाले आज (भदौ १६ गते) ईलाका प्रहरी कार्यालय चनौलीमा “विपदमा प्रहरी संग रेडक्रस चनौली” कार्यक्रम सम्पन्न गरेको छ ।
उक्त कार्यक्रममा रेडक्रस सोसाइटी चनौली उपशाखाले दैविक प्रकोप विपद् तथा संकट व्यवस्थापन गर्नका लागी ईलाका प्रहरी कार्यालय चनौली सँगको सहकर्यमा विपदको बेला आवस्यक पर्ने उद्दार सामग्रीहरु उपशाखाका सभापती श्री ओमप्रसाद लामिछानेले ईलाका प्रहरी कार्यालय चनौलीका प्रमुख प्र ब ना नि भानुभक्त आचार्य लाई हस्तान्तरण गर्नु भएको थियो ।
उक्त कार्यक्रम बागमती प्रदेश सांसद माननीय श्री माया श्रेष्ठ प्रमुख अतिथी ,विशिष्ट अतिथी प्रमुख जिल्ला आधिकारी श्री भूपेन्द्र थापा र जिल्ला प्रहरी कार्यालय प्रमुख प्रहरी उपरीक्षक रामेश्वर कार्की सहित भिभिन्न वडाका वडा अध्यक्ष एवं रेडक्रसकर्मी, सामाजिक तथा राजनितिक व्यक्तित्वहरु र भिभिन्न संघ संस्थाका प्रतिनिधीहरु सँगै स्थानीय बासिन्दा तथा व्यवसायीको उल्लेख्य सहभागिता सँगै शुरु भएको थियो ।
कार्यक्रममा रेडक्रस उपशाखाका निवर्तमान सभापती श्री लक्ष्मीकान्त दवाडीले स्वागत मन्तब्य राख्नुभएको थियो भने उपशाखाका सल्लाहकार समिति अध्यक्ष श्री एक नारायण पौडेलले मन्तब्य राख्नु भएको थियो । पौडेलले मन्तब्यकै क्रममा चनौली रेडक्रस चितवन भरीको उपशाखा मध्ये उत्कृष्ट रहेको र पश्चिम चितवन को मुटु चनौली बजार व्यवसायिक दृष्टिले ब्यस्त बजार रहेको भिभिन्न दर्जनौ वित्तीय संघ संस्था र बैंकहरु रहेको भौगोलिक हिसावले पनी पश्चिम चितवनको बिचमा पर्ने यस चनौलि बजारमा रहेको ख वर्गको ईलाका प्रहरी कार्यालय लाई ख वर्ग बाट क वर्गमा स्तर उन्नती गरिदिन प्र जि अ र जिल्ला प्रहरी प्रमुख समक्ष माग समेत राख्नु भएको थियो ।
कार्यक्रम मा प्रजिअ ले पश्चिम चितवन क्षेत्रमा पर्नसक्ने दैविप्रकोपलाई न्यूनिकरण गर्न सक्ने सम्भावनालाई मध्यनजर गर्दै यस उपशाखाले गरेको दैविप्रकोप उद्धार सामाग्रीहरु सहित आफ्नो टोली लाई चुस्त हालतमा परिचालित गरेर राखेको र प्रहरी संगको सहकार्यमा एउटा उदाहरणिय काम गरेकोमा धन्यवाद समेत दिनु भएको थियो भने जिल्ला प्रहरी प्रमुखले आफ्ना माताहत का प्रहरीहरु लाई शान्ति सुरक्षा तथा बिपतका निम्ती चुस्त एवं तयारी अबस्थामा रहन निर्देशन दिनु भएको थियो ।
