काठमाण्डौ भदौ २५ : एसिया कप क्रिकेटको ुसुपर फोरु मा भारतले पाकिस्तानलाई ३ सय ५७ रनको लक्ष्य दिएको छ । श्रीलङ्काको कोलम्बोमा टस हारेर ब्याटिङको निम्तो पाएको भारतले निर्धारित ५० ओभरमा २ विकेट गुमाएर ३ सय ५६ रन बनायो ।
भारतका लागि विराट कोहली र केएल राहुलले शतक बनाए । कोहलीले ९४ बलमा १ सय २२ र राहुलले १०६ बलमा १११ रन बनाए । त्यस्तै कप्तान रोहित शर्माले ५६ र शुभ गिलले ५८ रन बनाएका थिए । बलिङतर्फ पाकिस्तानका शाहीन अफ्रिदी र शदाब खानले १र१ विकेट लिए ।
