चितवन, असोज १२: राष्ट्रिय स्वतन्त्र पार्टीका सभापति एवम् चितवन क्षेत्र नं २ का सांसद रवि लामिछानेको र्यापीड एक्सन टिम (आरएटी)ले साउदी अरबमा अलपत्र परेका नेपालीहरुको उद्धार गरेको छ । साउदीमा तीन महिनादेखि अलपत्र परेका ३६ नेपालीमध्ये १८ जनाको उद्धार गरिएको आरएटीले जनाएको छ ।
आरएटीले साउदीबाट १८ जना नेपालीलाई सकुशसल फिर्ता ल्याएको राष्ट्रिय स्वतन्त्र पार्टीले पनि बताएको छ । बाँकी १८ जनाको उद्धार अर्काे चरणमा हुने बताइएको छ । साउदीमा नेपाली नागरिकहरु अलपत्र परेको समाचार विभिन्न सञ्चार माध्यममा प्रकाशित भएको थियो ।
