हेटौंडा : मकवानपुरमा भीरबाट लडेर एक जनाको मृत्यु भएको छ।
मृत्यु हुनेमा भीमफेदी गाउँपालिका-३ बेसारघारी निवासी ७० वर्षीय वृद्ध गणेशबहादुर स्याङ्तान रहेको जिल्ला प्रहरी कार्यालय मकवानपुरका प्रहरी नायव उपरीक्षक एवं प्रवक्ता लक्ष्मी भण्डारीले जानकारी दिए।
प्रहरीका अनुसार गणेशबहादुर आज दिउँसो २ बजे घर नजिकै रहेको भीरमा घाँस काट्न जाँदा लडेका थिए। उनको घटनास्थलमै मृत्यु भएको प्रहरीले जनाएको छ।
उक्त घटनाबारे प्रहरीलाई सूचना पाएपछि इलाका प्रहरी कार्यालय भीमफेदीको टोली घटनास्थलतर्फ गएको प्रहरी नायव उपरीक्षक भण्डारीले बताए।
