रामशरण गैरे

चनौली । पश्चिम चितवनमा भएको एक कार्यक्रममा बोल्ने वक्ताहरुले हरेक विपद्मा नेपाल रेडक्रस सोसाइटी चनौली उपशाखाको भूमिका अग्रणी रहेको बताएका छन ।
नया पुस्तालाइ रेडक्रस प्रति आर्कषण बढाउने उदेश्यका साथ नेपाल रेडक्रस सोसाइटी चनौली उपशाखाले माडीमा आयोजना गरेको रेडक्रस सचेतना तथा अर्न्तकृया गोष्टीमा बोल्ने वक्ताहरुले यस्तो बताएका हुन ।

कार्यक्रममा कार्यपत्र प्रश्तुत गर्दै भीमनगर माविका शिक्षक नायक पुरूषोत्तम अर्यालले नेपाल रेडक्रसले विपद् तथा संकट व्यवस्थापनमा विशेष गरेर बाढी र पहिरो, आगलागी, सडक दुर्घटना, चट्याङ, हावाहुरी जस्ता विपद्हरूबाट क्षति कम गर्न विपद् पूर्वतयारी सम्बन्धी जनचेतनामूलक कार्यक्रम सञ्चालन गर्दै आइरहेको र रेडक्रसले विपद् पूर्वतयारी स्वरूप विभिन्न स्तरका तालिम दिनुका साथै समुदायस्तरका स्वयम सेवकहरू उत्पादन गरी उपशाखामार्फत् सेवा प्रदान गर्दै आइरहेको वताए।

अफ्ठारो समयमा सम्झने संस्था नै रेडक्रस भएको बताउदै उपशाखाका सचिव चुडामणी पौडेलले रेडक्रसको साखलाई धमिलिन दिन नहुने बताय ।मानविय सहायता नै मुलमन्त्र लिएको पवित्र संस्था यस्ता विवादहरुबाट मुक्त हुन जरुरी रहेको उनले वताए।

सोही अवसरमा उपशाखाका सभापति ओमप्रसाद लामिछानेले नेपाल रेडक्रस सोसाइटी चनौली उपशाखाले रजत जयन्तीको अवसरमा नयाँ एम्बुलेन्स खरिदका निम्ति आर्थिक सहयोग जुटाउने अभियान चलाएको र निरन्तरको प्रयासपछि सहयोग जुटाउँदै नयाँ एम्बुलेन्स खरिद गर्न सफल भएको बताए ।
चनौली उपशाखाको सक्रियतामा इमर्जेन्सी क्लिनिक सञ्चालनको तयारीमा जुटेको बताउँदै उनले इमर्जेन्सी क्लिनिक भवन निर्माणका निम्ति अभियान थालेको बताए ।

चनौली उपशाखाले नयाँ एम्बुलेन्स खरिद,इमर्जेन्सी क्लिनिक सञ्चालन, नियमित रक्तदान कार्यक्रम, आँखा परीक्षण तथा पाठेघर क्यान्सर परीक्षण लगायतका स्वास्थ्य शिविरहरु, वृक्षरोपण, विद्यालय तथा बजार सरसफाइ अभियान, विद्यालयहरुमा जुनियर युवा रेडक्रस गठनलगायतका कार्यक्रमहरु गरेको अध्यक्ष लामिछानेले जानकारी दिए ।

उनले कोभिड–१९ जस्ता महामारीमा पनि रेडक्रसले कुना कुनामा पुगेर सहयोग र उद्वार गरेको वताउदै उनले चनौली उपशाखाले रक्तदान जस्ता महत्वपूर्ण क्षेत्रमा उल्लेखनिय काम गरेर चितवनकै उत्कृष्ट उपशाखाको रूपमा स्थापित भएको वताए।

लामो इतिहास बोकेको नेपाल रेडक्रस सोसाइटी देशको सबैभन्दा ठूलो मानवीय संस्था रहेकोसामाजिक परोपकारी काम गर्ने मानवीय सेवाको नायक यो संस्थाले आफूलाई संसारभरि अब्बल रुपमा प्रस्तुत गर्छ र यसमा संलग्न भएका स्वयंसेवकहरु उच्चस्तरको परोपकारी भावनाले उत्प्रेरित हुने भएकोले नया पुस्ताले रेडक्रस प्रति आर्कषण बढाउन पर्ने उनले वताए।

रेडक्रस हरेक विपद्को समयमा अग्रपंक्तिमा खटिने र मानविय सेवा नै यसको मुख्य धर्म हो । यसले बाढी, पहिरो, आगलागी, डुवान, लगायतका महामारीका कारण समस्यामा परेका मानिसहरुलाई निस्वार्थ र निष्पक्ष रुपमा उद्धार तथा राहत प्रदान गर्दै आइरहेको साथै कुनै कसैलाई पक्ष विपक्ष नगरि रेडक्रसको नीति नियम र मापदण्डअनुसार निस्वार्थ काम गर्दै आइरहेकोले पनि मानिसहरुको रेडक्रसप्रति विश्वास बढेको रेडक्रस सोसाइटी माडी नगर शाखा का पूर्वसभापति भागीरथ बस्यालले वताए।

२०५१ साल मंसिर १७ गते स्व. टेकवहादुर घलेको संयोजकत्वमा रेडक्रस उपशाखाको स्थापना तदर्थ समिती गठन गरी गरीएको थियो। जसको सह संयोजकमा स्व. नेत्रप्रसाद आचार्य सचिवमा हुमनाथ ढकाल, कोषाध्यक्ष एकनारायण पौडेल र सदस्यहरूमा चुडाँमणी उपाध्याय, वुध्दीमान लामा, मिठ ुदेवी लामिछाने, सत्यमोहन अधिकारी, सुर्यचन्द्र अधिकारी, करूणानिधि अर्याल रहेका थिए।
सस्थाको भौतिक सम्पती १७ धुर जमिनमा दुइतले भवन र एम्वुलेन्स रहेको छ। भने सस्थाको कार्यक्षेत्र भरतपुर महानगरपालिकाको वडा नंं २०, १८, १९, १७, २१, २५ र २६ रहेकाछन। सदस्यहरूमा एशस्कर सदस्य ८ जना, विशिष्ट सदस्य ८३ र आजिवन सदस्य ५७६ रहेका छन।