भरतपुर जेठ १६ गते । जङ्गली हात्ती रोनाल्डोको नयाँ सन्तान जन्मिएको छ । हात्ती प्रजनन केन्द्र खोरसोरमा रोनाल्डोको ३५ औँ सन्तान जन्मिएको हो । प्रजनन केन्द्रमा रहेको हिमाली कलीले गए मध्य राती छावी जन्माएसँगै रोनाल्डोको सन्तान ३५ पुगेको हो ।

रोनाल्डोको ३४ औँ सन्तान गत शनिवार राति कर्णालीकलीले छावालाई जन्म दिएकी थिई । प्रजनन केन्द्रमा जन्मने अधिकांश छावाका बाबु रोनाल्डो हो । केन्द्रका प्रमुख प्रमुख मनिपुरन चौधरीका अनुसार राती हिमाली कलीले जन्माएको छावी स्वास्थ्य छ ।

केन्द्रमा हात्तीको बच्चा जन्मनुलाई उत्सवका रूपमा लिइन्छ । केन्द्रमा अहिले सम्म ६४ वटा बच्चा जन्मिसेकेको छ । जन्मिएका मध्ये ३५ वटा रोनाल्डोका सन्तान भएको बताइन्छ । यो वर्ष पनि केन्द्रमा थप ८ वटा ढोई गर्भवती छन् ।
स्रोत ः बसन्त पराजुली ( गोरखापत्र दैनिक )