चितवन । रक्तदाता दिवस २०२४ को अवसरमा गैंडाकोट स्थित मौलाकालिका मन्दिर परिसरमा रक्तदान कार्यक्रम सम्पन्न भएको छ ।
एस.डि फाउन्डेसन र ब्लड डोनर्स सोसाइटी नेपालको संयुक्त परियोजना “मिसन रेड” र मौलाकाली केवलकार लि को संयुक्त आयोजनामा मौलाकालिकामा कार्यक्रम सम्पन्न भएको छ ।
कार्यक्रममा २८ जना महिला र ८८ जना पुरुष गरी जम्मा ११६ जनाले रक्तदान गरेका थिए ।
देशमा देखिएको रक्तअभावलाई मुख्य मध्यनजर गर्दै रक्तअभावलाई केही हदसम्म सहजता ल्याउने र रगत अभावको कारणले कसैले पनि अकालमा ज्यान गुमाउन नपरोस भन्ने उद्देश्यले रक्तदान कार्यक्रम आयोजना गरिएको कार्यक्रमका संयोजक अर्जुन अधिकारीले जानकारी गराउनुभयो ।
उक्त कार्यक्रममा रक्तदान गर्न आउने रक्तदातालाई मौलाकालिका केवलकारले निशुल्क केवलकारको टिकट उपलब्ध गराएको मौलाकालिका केवलकारको स्टेसन म्यानेजर सुरज पौडेलले जानकारी गराउनु भयो ।
कार्यक्रममा क्यानेडिएन स्टडियन सेन्टर , जगतपुर ई बजार , भ्याली स्टेट कलेज , एक्पर्ट एजुकेसन एन्ड भिजा सर्भिसेज, धार्मिक सेवा समिती मौलाकालिका ,ए एण्ड ए ट्रेडर्स , नेपाल कल्याण समाज जापान लगाएतका संस्थाहरुले सहकार्य गरेका थिए ।
