चितवन, साउन २७-भरतपुर महानगरपालिका–१६ शरणपुर चोकमा शनिवार चामल बोकेको ट्रक मोड्ने क्रममा अनियन्त्रित भई खेतमा पल्टिँदा एक जनाको मृत्यु भएको छ भने दुई जना घाइते भएका छन् ।
भरतपुरबाट विजयनगरतर्फ जाँदै गरेको ना १ क २८७८ नम्बरको ट्रक खेतमा पल्टिँदा ट्रकको पछाडि सवार १० जना कामरदार मध्ये ३ जना घाइते भएका थिए ।
गम्भिर घाइते भएका तँनहु व्यास नगरपालिका–१३ बस्ने ३४ वर्षीय भुल बहादुर गुरुङको भरतपुर अस्पतालमा उपचारका क्रममा शनिवार बेलुका ५ बजेको समयमा मृत्यु भएको प्रहरीले जनाएको छ ।
बारा कोल्वि नगरपालिका–१ बस्ने २१ वर्षीय छोटेलाल चौधरी र सोहि नगरपालिकाको वडा नं २ बस्ने २४ वर्षीय देवकान्त चौधरी मध्यम घाइते भएको जिल्ला प्रहरी कार्यालय चितवनले जानकारी दिएको छ । उनीहरुको भरतपुर अस्पतालमा उपचार भइरहेको छ ।
ट्रक चालकलाई प्रहरीले नियन्त्रणमा लिएको छ ।
