चितवन, मंसिर २३ : एक्सपर्ट एजुकेशन एण्ड भिजा सर्भिसेज चितवनले भरतपुर अस्पतालले संचालनमा ल्याएको कपडा बैंकलाई दराज सहयोग गरेको छ । एक्सपर्ट चितवनका प्रबन्ध निर्देशक डिल्लीराम अधिकारीले आज (आइतबार) एक कार्यक्रमकाबीच कपडालाई व्यवस्थित रुपमा राख्न दराज हस्तान्तरण गर्नुभएको हो । सो क्रममा बोल्दै प्रबन्ध निर्देशक अधिकारीले अस्पतालले राम्रो काम गरेकाले कपडा बैंकलाई व्यवस्थित गर्न सामाजिक उत्तरदायित्व अन्तरगत रहेर सहयोग गरिएको बताउनुभयो । उहाँले पवित्र काममा एक्सपर्ट एजुकेशनलाई सहकार्य गर्ने अवसर दिएकोमा भरतपुर अस्पताललाइ धन्यवाद दिनुभयो ।

अस्पतालमा उपचार गर्न आउने विपन्न नागरिकलाई ध्यानमा राखेर भरतपुर अस्पतालले कपडा बैंक संचालनमा ल्याएको हो । विशेष गरि जाडोयाममा उपचार गराउन आउने विपन्न नागरिकहरु बाक्लो कपडा नहुँदा सास्ती व्यहोर्ने गरेको देखेरै यो कपडा बैंक संचालनमा ल्याइएको अस्पतालका प्रमुख मेडिकल सुपरिटेण्डेन्ट डा.कृष्ण पौडेलले जानकारी दिनुभयो । उहाँले कपडा भएकाहरुलाई सहयोग गर्न र कपडा नभएकाहरुले सहज रुपमा लिनका लागि आग्रह गर्नुभएको छ । उहाँले अस्पतालले गरेको काममा एक्सपर्ट एजुकेशनले सहकार्य गरेकोमा धन्यवाद दिनुभयो ।

भरतपुर अस्पतालको ‘बी’ ब्लक अगाडि कपडा बैंक स्थापना गरिएको छ । स्थापना लगत्तै कपडा दिने र लिन आउनेको संख्या बढ्दै गइरहेको छ । एक्सपर्ट एजुकेशनले शैक्षिक परामर्शसंगै सामाजिक कार्यमा उत्तिकै सक्रिय रहेको छ । एक्सपर्ट शिक्षा, स्वास्थ्य, अन्य सामाजिक क्षेत्रमा सहकार्य गर्दै आइरहेको छ । एक्सपर्टले २१ वर्षदेखि शैक्षिक परामर्शको क्षेत्रमा काम गर्दै आइरहेको छ । यहाँबाट अष्ट्रेलिया, क्यानडा, युके, युएसए, न्युजिल्याण्ड तथा आयरल्याण्डका विश्वविख्यात युनिभर्सिटी तथा कलेजमा अध्ययन गर्न जानका लागि शैक्षिक परामर्श प्रदान गरिन्छ । साथै एक्सपर्ट चितवनमा भाषा परीक्षाहरू आइइएलटिएस, पिटिई, स्याट र डुलिङगो तयारी कक्षा पनि सञ्चालन भइरहेका छन् ।