काठमाडौं – नेकपा (एकीकृत समाजवादी) का अध्यक्ष माधवकुमार नेपालले व्यक्तिगत पूर्वाग्रह र बदलाको भावना राखेर आफूमाथि भ्रष्टाचारको मुद्दा लगाइएको बताएका छन्। पार्टीको केन्द्रीय कार्यालय आलोनगरमा आयोजित कार्यक्रममा बोल्दै उनले नेपालको राजनीतिमा आफ्नो पार्टीको प्रभावशाली भूमिका देखेर केही समूहहरू असन्तुष्ट भएको र त्यसकै कारण मुद्दा चलाइएको आरोप लगाए।
नेपालले पार्टीको सक्रियता र लोकप्रियताले केहीलाई असहज बनाएको उल्लेख गर्दै, पूर्वाग्रहसहित मुद्दा दर्ता गरिएको दाबी गरे। उनले आफूले अहिलेसम्म कुनै घुस नलिएको र अदालतबाट निष्पक्ष न्याय हुनेमा पूर्ण विश्वास रहेको बताए। “मसँग डराउनुपर्ने कुनै कारण छैन,” अध्यक्ष नेपालले स्पष्ट पारे।
