वासिङ्टन — संयुक्त राज्य अमेरिकाले आगामी सेप्टेम्बरमा आयोजना हुने संयुक्त राष्ट्रसंघ (यूएन) महासभामा सहभागी हुन चाहने प्यालेस्टाइन प्राधिकरण (PA) र प्यालेस्टाइन लिबरेशन अर्गनाइजेसन (PLO) का अधिकारीहरूलाई भिसा नदिने तथा जारी भिसा रद्द गर्ने घोषणा गरेको छ। अमेरिकाले यो निर्णयले यूएनका लागि निर्धारित विशेष प्रतिनिधि वाहेक सम्पूर्ण प्यालेस्टाइन अधिकारीहरूलाई प्रभाव पार्ने जनाएको छ।
अमेरिकी विदेश मन्त्रालयका अनुसार, उक्त निर्णयको कारणमा प्यालेस्टाइन नेतृत्वले आतंकवादको पर्याप्त निन्दा नगरेको, इजरायलविरुद्ध अन्तर्राष्ट्रिय अदालतहरूमा उजुरी पेश गरिरहेकाले अमेरिकी शान्ति प्रक्रियामा बाधा पुगेको लगायत उल्लेख छ। यसले प्यालेस्टाइन राष्ट्रपतिको समेत यूएन महासभामा सहभागिता अन्योलमा पारेको छ।
यही महासभामा बेलायत, फ्रान्स, क्यानडा, अस्ट्रेलियालगायत देशहरूले प्यालेस्टाइन राज्यको मान्यता दिने तयारी गरिरहेका छन्, तर अमेरिका र इजरायल भने असन्तुष्ट देखिएका छन्।
प्यालेस्टाइन पक्षले अमेरिकाको यस निर्णयप्रति गहिरो दुःख र आपत्ति जनाउँदै यसलाई तत्काल पुनर्विचार गर्न आग्रह गरेका छन्। यसबाट संयुक्त राष्ट्रसंघको विश्वमञ्चमा प्यालेस्टाइन नेतृत्वको उपस्थितिमा उल्लेखनीय असर पर्ने देखिन्छ।
