काठमाडौं — सरकारले जेनजी आन्दोलनको क्रममा क्षति पुगेका भवन तथा संरचनाहरूको मर्मत तथा पुनर्निर्माण गर्न ‘हाम्रा संरचना हामी आफैं बनाऔं’ अभियान सञ्चालन गर्ने भएको छ। भौतिक पूर्वाधारमन्त्री कुलमान घिसिङका अनुसार, सरकार, स्वदेश तथा विदेशमा रहेका नेपालीबाट आर्थिक तथा भौतिक सहयोग संकलन गरी पुनर्निर्माण कार्यको थालनी गरिने छ।
संरचनामा पैठारी भएको क्षतिको यकिन र मूल्यांकन गर्न कार्यदलसमेत गठन गरिएको छ। विनासबाट उठ्ने प्रेरणा दिन सामान्य अगलागी मात्र भएका भवनहरूमा बाहिरी रंगरोगन गरिने, मन्त्रालय तथा कार्यालय परिसरमा क्षति भएका सवारी साधन हटाइने, सम्पूर्ण क्षतिको तिव्र मूल्यांकन गरी पुनर्निर्माण कार्य अघि बढाइने जानकारी मन्त्री घिसिङले दिएका छन्।
मन्त्री घिसिङले सिंहदरबारको मुख्य भवन र गृहमन्त्रालय परिसरमा स्थलगत निरीक्षण गर्दै ‘कार्यालयका क्षति भएका भागलाई चिटिक्क बनाउने’, ‘तुरुन्त सवारी साधन हटाउने’, र ‘रंगरोगनमार्फत सरकार, समाज र प्रवासबाट सन्देश दिने’ योजनाको उद्घोष गरेका छन्। यस अभियानले ‘हामी उठ्यौं’ भन्ने राष्ट्रिय आत्मविश्वास जगाउने विश्वास सरकारले व्यक्त गरेको छ ।
