आईसीसी विश्वकप लिग–२ अन्तर्गत नामिबियामा जारी श्रृंखलाअन्तर्गत नेपापलले बुधबार तेस्रो खेलमा घरेलु टोलीविरुद्ध टस जितेल पहिला बलिङ गर्न थालेको छ ।

यो श्रृंखला अन्तर्गत नेपालले नामिबियासँग भएको पहिलो खेल वर्षाका कारण रद्ध भएपछि दुवै टोलीले एक एक अंक बाँढेका थिए । दोस्रो खेलमा स्कटल्यान्डसँग नेपाल ३ विकेटले पराजित भएको थियो ।

विश्वकप लिग–२ मा २२ खेलबाट १८ अंक भएको नेपाली टोली तालिकाको छैटौँ स्थानमा छ। २९ खेलबाट ३५ अंक भएको नामिबिया तेस्रो स्थानमा रहेको छ ।

प्रतियोगितामा सहभागी ७ टोलीमध्ये शीर्ष तीन टोली एकदिवशीय विश्वकपको विश्वस्तरको छनोटमा पुग्नेछन् । बाँकी चार टोलीले विश्वस्तरको छनोटका लागि प्ले अफ खेल्नुपर्ने छ।