पोर्चुगलका स्टार स्ट्राइकर क्रिश्टियानो रोनाल्डो विश्वकपको क्वाटरफाइनलअन्तर्गत मोरक्को विरुद्धको खेलमा पनि बेञ्चमा सीमित भएका छन्।
प्रशिक्षक फर्नान्डो सान्तोषले रोनाल्डोलाई बेञ्चमा राख्दै आज पनि स्विटजरल्यान्ड विरुद्धको ह्याट्रिक हिरो गोन्कालो रामोसलाई सुरुवाती ११ मा राखेका छन्।
त्यस्तै, म्यानचेस्टर सिटीका फुलब्याक जोआवो कान्सेलोलाई पनि सुरुवाती ११ मा राखिएको छैन। स्विट्जरल्यान्ड विरुद्धको खेलमा ६(१ को जित निकाल्दाका एक खेलाडी परिवर्तन गरिएको छ। जहाँ वल्भेसका मिडफिल्डर रुवेन नेभेसलाई विलयम कार्भालोको स्थानमा टिममा राखिएको छ।
पोर्चुगलको सुरुवाती ११ मा कोस्टा, डालोट, पेपे, डियास, गुएरेरो, ओटाभिओ, नेभेस, सिल्भा, फर्नान्डेस, फेलिक्स र रामोस रहेका छन्।
