चितवन २८ मङ्सिर : वाल्मीकि शिक्षा सदनले वाल्मिकी डान्सिङ्ग स्टारको ग्राण्ड फिनाले भव्यताका साथ सम्पन्न गरेको छ। यसै वर्ष गत असार महिनमा पहिलो अडिसनमा ४८६ जना विभिन्न तहका विधार्थिबाट पहिलो चरण शुरु भएको उक्त प्रतियोगितामा बुधबार सम्म आइपुग्दा जम्मा ३० जना विधार्थी फाइनल राउण्डसम्म आइपूगेका हुन । आधारभूत, जुनिअर र सिनिअर गरी ३ तहका विद्यार्थी बिच रहेको प्रतियोगितामा अन्तिम राउण्ड्मा ३ तहबाट १० १० जना विधार्थी फाइनल राउण्ड्मा पुगेका हुन ।
भव्य समारोहका बिच सम्पन्न उक्त नृत्य प्रतियोगिता विद्यालयका प्राचार्य प्रदीप पौडेलको सभापतित्व, अतिरिक्त पाठ्यक्रम गतिविधि प्रमुख खेमलाल पहारीको सन्चालन र विधालय सन्चालक समितिका अध्यक्ष टिकाराम रेग्मि, विध्यालय व्यवस्थापन समितिका अध्यक्ष गोकर्ण निवास त्रीपाठि, विद्यालयका सहायक प्राचार्य दुर्गा प्रसाद घिमिरे, पुर्व अध्यक्ष हरि प्रसाद आचार्य उपाध्यक्ष बलिभद्र न्यौपाने पूर्व प्राचार्य लक्ष्मी कान्त चालिसे लगायत सहभागी विद्यार्थीका अभिभावक समेतको उपस्थितिमा सम्पन्न भएको थियो ।जिल्लामा रहेका ख्याती प्राप्त नृत्य निर्देशक निर्णायक रहेको उक्त कार्यक्रममा हरेक तहबाट प्रथम, द्वितिय र तृतिय हुने सह्भागिहरुलाई आकर्षक ट्रफिले पुरस्कृत गरिएको थियो ।
वाल्मिकी शिक्षा सदनले मङ्सिर महिनाको अन्तिम सप्ताह रक्तदान्, गणित हाजिरीजवाफ, साइन्स हाजिरीजवाफ, रनिङ्ग, फूटबल, क्रिकेट लगायत झ्ण्डै ३० वटा विभिन्न खेलकुदका कार्यक्रम आयोजना गरेको र झण्डै ७३५ जना विजेता विद्यार्थीहरुलाई आकर्षक मेडलले पुरस्कृत गरेको विधालयका शैक्षिक विभाग प्रमुख प्रकाश सुवेदीले जानकारी गराउनुभयो ।
