कतारमा जारी फिफा विश्वकप २०२२ को तेस्रो स्थानको खेलमा मोरोक्कोलाई २-१ ले हराउँदै क्रोएसिया विजयी भएको छ । फ्रान्ससँग मोरक्को २-० ले पराजित भएको थियो । पछिल्लो समय राम्रो खेल प्रदर्शन गरी दर्शकको मन जितेको मोरक्को जित स्थान भने आज भएको खेलमा जित निकाल्न सकेन ।
मोरक्को अफ्रिकन देशबाट प्रतिनिधित्व गर्दै अन्तिम चरणमा पुग्न सफल भएको हो । अर्को देश क्रोएसिया अर्जेन्टिनासँग पराजित भएको थियो । खलिफा अन्तर्राष्ट्रिय मैदानमा आज मोरक्कोलाई २-१ ले हराउँदै तेस्रो स्थान पक्का गरेको हो ।
सन् २०१८ को फाइनलमा उपविजेता बनेको क्रोएसिया चार वर्षपछि भएको आजको खेलमा तेस्रो स्थान सुनिश्चित गरेको छ । सन् १९९८ मा पहिलोपटक क्रोएसियाले तेस्रो स्थानको प्ले अफ खेलेको थियो ।
प्रतियोगिताको फाइनल आइतबार हुनेछ । उपाधिका लागि फ्रान्स र अर्जेन्टिना भिड्नेछन् ।
