नेपाली कांग्रेस संसदीय दलको नेतामा उम्मेदवारी दर्ता गराएका गगन थापा र संस्थापन इतरसमूहका नेता डा. शेखर कोइराला शशांकलाई भेट्न उनकै निवास पुगेका छन् ।
संस्थापन इतरबाट संसदीय दलको उम्मेदवार को बन्ने भन्ने रस्साकस्सीपछि गगनलाई समर्थन गर्न शेखर राजी भएका थिए । त्यसपछि शेखरले गगनलगायतका नेता साथमा लिएर शशांकलाई भेट्न उनको निवासमा पुगेका हुन् ।
शशांक निवासमा उनीहरूबीच करिब १ घण्टा कुराकानी भएको थियो । त्यसक्रममा शशांकले- विचार गरौँला भन्ने जवाफ दिएका थिए । शेखर गगन सहितको टोली नेता प्रकाशमान सिंहलाई भेट्न उनको निवास चाक्सीवारी पनि पुगेको छ ।
