हात्तीको आक्रमणबाट झापामा एक महिलाको मृत्यु भएको छ। झापाको शिवसताक्षी नगरपालिका वडा नम्बर ११ को बच्चाबगरमा जंगली हात्तीको आक्रमणबाट कृष्णमाया भण्डारीको मृत्यु भएको हो।
गएराति करिब २ बजे हात्तीले घर भत्काउन थालेपछि उनी बाहिर निस्केकी थिइन्। सोही क्रममा हात्तीले आक्रमण गरी उनलाई गम्भीर घाइते बनाएको थियो। उनको उपचारका क्रममा अस्पतालमा मृत्यु भएको प्रहरीले जनाएको छ।
यस्तै सोही हात्तीकै आक्रमणबाट कृष्णमायाका श्रीमान शान्तिराम भण्डारी घाइते भएका छन्। शान्तिरामको उपचार भइरहेको छ। छावासहितको हात्तीको एक समूह गाउँ पसेको थियो। बेलुका ११ बजेदेखि नै हात्तीको समूहले गाउँमा आतंक मच्चाएको थियो।
