चितवन,२२ पुस । पश्चिम चितवन पत्रकार मन्चको प्रथम वार्षिक साधारण एवं अधिवेशनमा पूराना पत्रकार हरूको खोजी गरिएको छ। यो भूगोलबाट कलम चलाएका अग्रज पत्रकार हरू लाई निम्ता गरिएको मन्च का सचिव हेमराज रिमाल ले बताउनु भयो ।

यस क्षेत्रका पत्रकारहरूले पश्चिम चितवन को भूभाग मा रहेर पत्रकारीता गर्दै देशका बिभिन्न राष्ट्रिय मिडियाहरु नेतृत्व गरि सकेका छन्। महेन्द्र श्रेष्ठ,युवराज घिमिरे लक्ष्मीकान्त दवाडी,बिष्णु ढकाल,जीवन काफ्ले ,देवी प्रसाद सापकोटा,उपसना घिमिरे,कृष्ण ज्वाला देवकोटा, रेशम विरही,रामहरी सुवेदी जस्ता पश्चिम चितवन सँग जोडिएका पत्रकार हरूको अभूतपूर्व मिलन गराउन मञ्चले पहल गरिरहेको छ।

पछिल्लो पुस्ताका नेतृत्वमा रहेका सृजना अर्याल,नारायण अधिकारी,बसन्त पराजुली,प्रतिमा सिलवाल,प्रमिता ढकाल,अनिल ढकाल,रवि अधिकारी ,रमेश पौडेल,सुर्य अधिकारी हरू सँगै मन्चले जोड्ने प्रयास गरेको छ। उपत्यकामा रहेर पत्रकारीता गर्दै गरेका सुरक्षा बराल,ज्योति अधिकारी लगायतका पत्रकार हरू कार्यक्रममा जोडिदै छन्। चितवन का पत्रकार महासंघ,संगठन र स्वतन्त्र पत्रकार हरू को कार्यक्रममा सहभागिता रहनेछ।

देशका बिभिन्न स्थानमा कार्यरत यस क्षेत्रका पत्रकार लाई बिभिन्न माध्यमबाट खोज्ने काम भैरहेको मन्च ले जनाएको छ। पुष २३ गते शनिवार भरतपुर २२ को पटिहानीमा मन्च ले कार्यक्रम आयोजना गर्दैछ। कार्यक्रममा पुरना पत्रकार हरूको सम्मान एवम् फ्ल्यास ब्यक गराउने,बार्षिक प्रगति प्रतिवेदन,आर्थिक प्रतिवेदन,समिति निर्माण पिकनिक लगायतका कार्यक्रम रहेको छ।