चितवन,२४ पौष : पश्चिम चितवन पत्रकार मञ्चको अध्यक्षमा अनिल भट्टराई सर्वसम्मत चयन भएका छन् । भरतपुर २२ को रूरु पार्क पटीहानि, घडगाईमा सम्पन्न अधिवेशनले २ वर्षे कार्यकालका लागि १७ सदस्यीय नयाँ कार्यसमिति चयन गरेको हो । समितिको उपाध्यक्षमा हेमराज रिमाल, संगिता बानियाँ, सचिवमा रविन सुवेदी, सहसचिवमा विवेक पोख्रेल र विनिता श्रेष्ठ, कोषाध्यक्षमा हिरालाल आचार्य डायमण्ड चयन भएका छन् ।
यस्तै सदस्यहरुमा रामशरण गैरे, समिर चापागाईं, सुरज परियार, पुनम थापा मगर, किरण सापकोटा, पुजा ढकाल, सोनु पराजुली, विश्वनिधि अर्याल, सविता अधिकारी, अनिलकुमार बानियाँ चयन भएका छन् ।
दुई वर्षमा पश्चिम चितवन पत्रकार मञ्चले आफ्नो नेतृत्वमा सिर्जनशील कार्यक्रम ल्याउने तथा समग्र पश्चिम चितवनको विकासमा टेवा पुर्याउने नवनिर्वाचित अध्यक्ष भटराईले प्रतिबद्धता व्यक्त गरे।
