लायन्स क्लब अन्तरास्ट्रिय गैर-नाफामुलक एक विसुद्ध सामाजिक संस्था हो। झन्डै २०० देशहरुमा फैलिएको यो संस्थामा ४८००० भन्दा बढी क्लबहरु र १४ लाख सदस्यहरु रहेका छन्। नेपालमा पनि २०२८ सालमा पुर्व प्रधानमन्त्री मातृका प्रसाद कोइरालाको नेतृत्वमा लायन्स क्लब अफ बिराटनगर बाट लायनवादको सुरुवात भएको मानिन्छ।
अहिले देशभरमा ४ ओटा जिल्लाहरु ए १, ए २, वि १ र वि २ छन् भने नेपालका भुवागीय हिसाबले पुर्व देखि पश्चिम र उत्तर देखि दक्षिण सम्म लायन्सहरुको सेवा फैलिएको छ।
यस ४ ओटा जिल्ला मध्य ३२५ वि १ अन्तर्गत काठमाडौँ, पोखरा, भक्तपुर, ललितपुर, काभ्रे, धादिङ्ग, पोखरा, मकवानपुर, म्याग्दी, बालुङ्ग, कुश्मा, स्यांग्जा, तनहुँ, लम्जुङ्ग, गोर्खा आदि जिल्लाहरु पर्छन। अन्य विपतमा जस्तो कोभिडको समयमा पनि लायन्स क्लबका सदस्यहरु सहयोगमै जुटिरहेका छन्।

रक्तदान व्यवस्थापन (कार्यक्रम मार्फत) र मोतियाबिन्दु निर्मूलनमा सबैभन्दा अग्रणी स्थानमा लायन्स क्लबको उल्लेखनिय योगदान रहेको कुरा सबैलाई जानकारी नै छ। सहयोग गर्दै जाने क्रममा पोखरा बेगनास स्थित कोभिड अस्पतालमा पनि लायन्स क्लब अन्तरास्ट्रिय ३२५ वि १ नेपालको सहयोग रहेको कुरा जिल्ला गभर्नर लायन मान बहादुर रोकाले सामाजिक संजालमा लेख्नुभएको छ।

उहाँका अनुसार “कोभिड डेडिकेटेड हस्पिटललाई लायन्स क्लव्स इन्टरनेशनल डिष्ट्रिक्ट ३२५ बि १ नेपालका तर्फबाट बिहीबार ४० लाख रुपैयाँ बढीको स्वास्थ्य सामग्री पोखरा महानगरपालिका का मेयर मानबहादुर जिसीलाई सहयोग हस्तान्तरण गर्नका लागि संयोजक भई भूमिका खेल्नु हुने लायन मोहन बाबु खड्का, सह-संयोजक लायन प्रेम बहादुर जी सी , सदस्यहरु लायन शैलेन्द्र मोहन भट्टराई, लायन डोलराज पोख्रेल र लायन पुष्पा आचार्य सहित सम्पूर्ण सहयोग दाताहरु, लायन्स मित्रहरु, लायन्स क्लबहरु प्रति हार्दिक आभार तथा सम्मान गर्दछु !
साथै यो प्रोजेक्ट सफल पार्न सल्लाहकारको भूमिका खेल्नु हुने हाम्रा डिस्ट्रिक्टका अग्रज अभिभावकहरु साथै गण्डकी क्षेत्रको अभियानका लागि सल्लाहकार: लायन बालकृष्ण बुर्लाकोटी, लायन दिपक श्रेष्ठ, लायन धनराज आचार्य , लायन विशेश्वर आचार्य, लायन योगेन्द्र प्रधान , लायन प्रेम बहादुर श्रेष्ठ, लायन ध्रुब बाहादुर थापा, लायन अशोक कुमार श्रेष्ठ प्रति सम्मान” व्यक्त गर्न चाहन्छु।

साथसाथै उहाँले लायन्स क्लब इन्टरनेशनल फ़ाउण्डेशन (Lions Clubs International Foundation (LCIF))बाट समेत प्राप्त रकमबाट छिट्टैनै उक्त अस्पतालमा रु. ३० लाख भन्दा बढीको Ventilator, Non-invasive Ventilator, Oxygen Concentrator-10ltr, Oxygen Concentrator-5-7ltr र CPAP mask with Bain Circuit सामाग्रीहरु हस्तान्तरण गर्ने कुरा पनि बताउनु भएको छ।