हालै उपप्रधानमन्त्री पदमा नियुक्त भएका राजेन्द्र महत्तोले सरकारमा जानासाथ दिएको “नेपाल बहुल रास्ट्रिय राज्यका लागि आन्दोलनको तयारी गर्ने” अभिव्यक्ति प्रति गम्भीर ध्यानाकर्षण भएको बिषयमा एमाले स्थायी कमिटिका सदस्यहरुको संयुक्त पत्रमा बताइएको छ।

बिगतमा टुंगो लागिसकेको तथा संबिधान सभा र नेपाली जनताबाट अस्वीकृत नेपाललाई बहुरास्ट्रिय राज्य बनाउने भन्ने कुरालाई पुन: दोहोर्याई यसका लागि कथित मुक्ति संग्रामको कुरा गरि रास्ट्रिय हित र अखण्डता विरोधी अभिव्यक्ति दिनु निन्दनीय रहेको कमिटिको ठहर छ।

यस्तो अभिव्यक्ति नेपालको संबिधानको धारा ३ मा उल्लेखित “बहुजातीय, बहुभाषिक, बहुधार्मिक, बहुसांस्कृतिक, विशेषतायुक्त, भौगोलिक विविधतामा रहेका समान आकांक्षा र नेपालको रास्ट्रिय स्वतन्त्रता, भौगोलिक अखण्डता, रास्ट्रिय हित तथा समृद्धिप्रति आस्थावान रही एकताको सुत्रमा आवद्ध सबै नेपाली जनता समस्टिमा रास्ट्र हो ” भन्ने व्यवस्थाको विरुद्धमा रहेको पनि कमिटिको निष्कर्ष निस्किएको छ र यो बिषयमा यसरी मन्त्रीले बोल्न नहुने तथा सम्पूर्ण देशभक्त नेपालीलाई स्वीकार्य नहुने भएकाले प्रधानमन्त्रि केपी शर्मा ओलीलाई स्पस्ट पार्न पनि अनुरोध गरेको छ।