अमेरिका नेपाल मेडिकल फाउन्डेसनले पठाएको स्वास्थ्य सामाग्री आफ्नो फाउन्डेसनको सहयोग भन्दै बाढ्दै नेता अर्जुन नरसिंह केसीले नुवाकोटको म्यागाङ गाउँपालिका वार्ड ३ देउराली प्राथमिक स्वास्थ्य केन्द्रमा वितरण गरेका छन्। नेता अर्जुन नरसिंह केसीका स्वर्गीय आमा बुवाको नाममा स्थापित यसोदा देवी भगवानसिंह केसी मेमोरियल ट्रस्टको नाममा १० लिटर को ३ अक्सिजन कन्सेंट्रेटर, मास्क र स्यानीटाइजर लगायत विभिन्न स्वास्थ्य सामग्री वितरण गरिएतापनि उक्त सामाग्री अमेरिकामा अवस्थित अमेरिका नेपाल मेडिकल फाउन्डेसनले पठाएको बुझिएको छ।
सामाजिक संजाल ट्वीटर मार्फत जानकारी दिएका नेता केसीको पोस्टमा यो कुनै सहकार्य नभएको र नितान्त अमेरिका नेपाल मेडिकल फाउन्डेसनको सहयोग रहेको अमेरिका स्थित डा विजय आचार्यले बताए। फाउन्डेसनको कुनै राजनैतिक पार्टीसंग सहकार्य नहुने पनि आचार्यले बताए।
डा केसीका अनुसार १० लिटरको अक्सिजन कन्सेंट्रेटर भनिएतापनि उक्त मेसिनको क्षमता ५ लिटरको रहेकोले पनि शंकास्पद देखिएको हो।
