नेपाल क्रिकेट संघ र नेपाली राष्ट्रिय क्रिकेट टोलीको मुख्य प्रायोजक इ-लर्निङ्ग प्ल्याटफर्म माई सेकेन्ड टिचर ले राष्ट्रिय क्रिकेट टोलीको जर्सी डिजाइन गर्नका लागि प्रतिस्पर्धा खुला गरेको छ।
आज माई सेकेन्ड टिचरले फेसबुक पेजमा खुल्ला प्रतिष्पर्धाको लागि आह्वान गरेको हो। १ लाख धन राशिको उक्त डिजाइनमा डिजाइनरले राष्ट्रिय टोलीले पालना गर्न पर्ने अन्तर्राष्ट्रिय क्रिकेट परिषद (आईसीसी) को नियम अनुसार नै डिजाइन गर्न पर्ने कुरा पनि बताइएको छ।
आफ्नो डिजाइन दिने अन्तिम मिति असार ४ सम्म रहेको छ। डिजाइन क्यानको इमेल – media@cricketnepal.org मा गर्न पर्ने हुन्छ भने यस सम्बन्धी सम्पूर्ण जानकारी क्यानको वेबसाइटमा पनि राखिएको पनि माई सेकेन्ड टिचरले बताएको छ।
