जहाँ फार्मेसी त्यहाँ फर्मासिस्ट भन्ने विश्वव्यापी नारा भरतपुर अस्पताल फार्मेसीमा लागु भएको छ। लामो समयदेखि संघर्षरत फर्मासिस्टहरुले अन्तत फार्मेसीको जिम्मेवारी पाएका हुन्। बिगत ३ वर्ष भन्दा लामो समयदेखि गैर-फर्मासिस्ट को हालीमुहाली रहेको थियो।
लामो संघर्ष पछि बल्ल सफलता पाएको संघर्ष समितिका संयोजक अजामिन ढकालले जानकारी दिए। ९ महिना अघि देखि पदस्थापन भएर आएका स्थाई जनशक्तिलाई आर्थिक र राजनीतिक प्रलोभनमा परि जिम्मेवारी नदिएको अवस्थामा हाल फार्मेसी स्टोरको जिम्मेवारी कानुन बमोजिम फर्मासिस्टलाई दिईएको छ । स्वास्थ्य मन्त्रालयले दिएको जिम्मेवारीलाई पनि पटक पटक अवमुल्यन गर्दै अस्पताल व्यवस्थापनले अहेबलाई नै जिम्मेवारी दिँदै आइरहेको थियो।
अन्तत: अस्पतालका मेडिकल सुपरिटेन्डेन्ट डा रोशन न्यौपानेले लिखित सम्झौता अनुरुप हिजो फार्मेसी विभाग प्रमुख सबिन राज लामिछानेलाई र स्टोर प्रमुख भोला अधिकारीलाई जिम्मेवारी हस्तान्तरण गरेका हुन्। उक्त बिषयलाई सुरुवात देखिने हामी (चित्रवन खबर) ले पनि उठाउँदै आइरहेको थियो।
