नेपाली कांग्रेसका युवा नेता भुपेन्द्रजङ शाहीको पहलमा बीपी स्टडी युथ सर्कलले बानेश्वर संगम चोकमा रहेको नयाँ नेपाल समाज केन्द्र नामक बाल गृहलाई खाद्यान्न हस्तान्तरण गरेका छन। बालगृहलाई २५० केजी चामल, १० किलो दाल, १० लिटर तेल लगायतका खाद्यान सामग्री बाल गृहमा पुगेर शाही लगायत युवा नेताहरुले हस्तान्तरण गरेका हुन।
खाद्यान्न हस्तान्तरण गर्दै कांग्रेस नेता शाही, बिपी स्टडी युथ सर्कल केन्द्रीय अध्यक्ष ऋषि कोइराला, प्रदेश अध्यक्ष सुमन गिरी र नुवाकोट अध्यक्ष सुवास कट्टेललगायतले अभियानमा थप सहकार्य गर्न आफूहरु प्रतिबद्ध रहेको जनाएका छन् ।
‘बिपी स्टडी युथ सर्कल’ले विगत १२ दिनदेखि काठमाडौंमा दैनिक रुपमा ५०० जनाभन्दा बढीलाई निःशुल्क खाना खुवाउँदै आइरहेको छ । हालसम्म अभियानले ७ हजारभन्दा बढीलाई खाना वितरण गरिसकेको छ ।
