काठमाडौं – धर्मशास्त्र मान्नेहरुका लागि शनिवारको दिन निकै महत्वपुर्ण छ । यस दिनलाई शनिदेवको विशेष दिन पनि मान्ने गरिन्छ ।धार्मिक र महत्वपुर्ण बारको रुपमा लिइने हुनाले  शनिबार केही चिजहरु खान नहुने र जुन खाँदा शनिदेव रिसाउने धार्मिक विश्वास छ ।

यस दिन नयाँ काम गर्दा सफल हुने पनि बिश्वास छ ।  न्यायको देवता मानिने शनिदेवलाई खुसी बनाउन खाने कुरामा सावधानी अपनाउनु पर्छ।धर्मशास्त्रको अनुसार शनिदेवलाई खुसी बनाउन विभिन्न खानेकुराहरु नखाने र केही कार्यहरु गर्नुहुँदैन । शनिदोष भएका व्यक्तिले केही खानेकुराहरु भूलेर पनि खान हुदैन । यस दिन आपँको अचार खानुहुँदैन । शनि देव अमिलो चिजको विरोधी भएकाले यस्ता चिजहरु नखानु नै राम्रो हुन्छ ।

दुध या दही सेवन गर्नुहुँदैन । तर  दुध या दही सेवन गर्दा त्यसमा वेसार वा सख्खर राखेर पिउन सकिन्छ । शनिवारका दिन रातो खुर्सानी खानु हुँदैन र रक्सी पनि पिउनु हुँदैन । शनिवारको दिन घरमा फलाम या फलामबाट बनेका बस्तु ल्याउनु हुँदैन । यस दिन कालो रंगको लुगा ,नून, काठबाट बनेका सामान र सर्सिउको तेल पनि किन्न हुँदैन ।