मुग्लिन–नारायणगढ सडकको चारकिलोमा फेरि पहिरो आएर सडक अवरुद्ध भएको छ । शुक्रबार बिहान ५ बजेबाट बन्द रहेको उक्त सडकखण्ड दिनभर सञ्चालनमा आउन सकेको छैन ।
अबिरल बर्षाको कारण जिल्ला चितवन भरतपुर म.न.पा. २९ नारायणगढ मुग्लिन सडक खण्डको सेतीदोभान भन्ने स्थानमा माथीबाट ठुलो पहिरो झरी दुबै तर्फ बाटो अबरोध भएकोमा उक्त स्थानमा जिल्ला प्रहरी कार्यालय चितवनबाट प्रहरी निरिक्षकको कमाण्डमा १० जनाको टोली र सडक बिभागबाट गएको JCB बाट सफा गर्ने काम शुरू भएकोमा JCB मा समस्या आई आजलाई काम काज भएको हुँदा बाटो दुई तर्फ नै बाटो अबरोध भएको जिल्ला प्रहरी कार्यालय चितवनले जानकारी दिएको छ ।
शुक्रबार बिहानै गएको पहिरो हटाउने क्रममा पुनः माथिबाट ठूलो पहिरो थपिएपछि सडक खुल्ने सम्भावना कम भएको जिल्ला प्रहरी कार्यालय चितवनका प्रवक्ता सूर्यबहादुर थापाले बताउनुभयो ।
