चितवन , श्रावण ३
शिव हमालको लय शब्द मा गायिका कला लम्सालले तीज गीत ‘पातली ३’ बजारमा ल्याएकी छन् मौलिक शब्द चयन गरेर बनाइएको उक्त म्युजिक भिडियो कला लम्सालको आफ्नै युट्यूव च्यानलमार्फत सार्वजनिक भएको हो ।
गीतमा लम्सालसँगै अन्जली अधिकारी, करिश्मा ढकाल साथमा लोमस शर्माको अभिनय गरेका छन् । अघिल्ला वर्षमा ‘पातली गीत’ लाई सबैले रुचाएपछि उनले पातली २ हुँदै यस वर्ष ‘पातली ३’ सार्वजनिक गरेकी हुन् । यो वर्षको तीज पर्व लक्षित गरी गीत ल्याएको गायिका लम्सालले बताइन् ।
शिव हमालले गाउँमा बोलिने टिपिकल शब्द कलात्मक रुपमा गीतमा उतारेका छन् । तनहुँको थर्पुमा जन्मिएकी लम्साल नेपाली लोकगायन क्षेत्रमा उदाउँदो नाम बनाउन सफल भएकी छन् । मौलिक गीत गाउने गायिकाको रुपमा चिनिएकी उनले यसअघि ‘छड्के तिलहरी’, ‘छड्के तिलहरी–२’, ‘महारानी, पातली १ र २ ’ लगायतका तीज गीत बजारमा ल्याएकी छिन् । उनका १२ भन्दा बढी एल्बम बजारमा आइसकेका छन् भने २ दर्जन बढी गीतमा आवाज दिइसकेकी छन् ।
उनले पुरुषोत्तम न्यौपानेसँग गाएको ‘तराई आँगन हिमालको छाना छ’ बोलको देशभक्ति गीत पनि चर्चामै रहेको थियो । तीज लोकसंस्कृतिको जर्गेना गर्ने पर्व भएकाले आफूले मौलिक गीतलाई प्राथमिकता दिँदै आएको गायिका लम्सालले बताइन् । उनी गायनमा मात्र नभइ मोडलिङमा पनि उत्तिकै जम्छिन् ।
यस्तो छ गीतको म्युजिक भिडियो
