चनौली , असोज २०
नेपाल रेडक्रस सोसाईटी चनौली उपशाखाले नवनिर्वाचित केन्द्रिय सदस्यलाई शाखामा स्वागत एवं सम्मान गरेको छ ।नेपाल रेडक्रस सोसाइटीका पश्चिम चितवन वासी समेत केन्द्रिय सदस्य तिर्थराजलाई शाखा परिसर चनौलीमा स्वागत एवं सम्मान गरेको हो ।
केन्द्रीय सदस्य घिमिरे सो कार्यक्रमको प्रमुख अतिथी रहनुभएको थियो। उक्त कार्यक्रममा उहाँले रेडक्रस भित्र भएका अनियमितता र भस्ट्रचारको विरोध गर्दै रेडक्रसको बिग्रेको छबिलाई सुधार गर्न नयाँ कार्यसमिति लागि पर्ने बताउनु भयो ।
केन्द्रीय सदस्य घिमिरेले ३३ जना सदस्यीय केन्द्रीय समितिको गठन गरेको बताउनु हुँदै भरतपुर १८ मा आफुले जीबन बिताएको हुनाले पनि रेडक्रस सोसाइटी उपशाखा चनौलीलाई आफुले सक्दो सधै साथ दिने प्रतिवद्धता जनाउनु भएको थियो ।
रेडक्रस चनौली उपशाखाका सभापति लक्ष्मिकान्त दवाडीको अध्यक्षतामा सम्पन्न कार्यक्रममा रेडक्रस सोसाईटी जिल्ला शाखा चितवनका सदस्य बाबुराम श्रेष्ठ बिशिष्ठ अतिथी रहनुभएको थियो ।कार्यक्रममा रेडक्रस सोसाईटीका पुर्व अध्यक्ष महेन्द्र राज श्रेष्ठ, कल्याण आमा समुह चनौलीको अध्यक्ष छलिमाया श्रेष्ठ,रेडक्रसकर्मी डील्ली राम दवाडी, चनौली बजार व्यवस्थापन समितिका अध्यक्ष देविदत्त पौडेल लगायत समितिका पदाधिकारीहरु र समाजसेविहरु उपस्थित रहेको थियो ।
रेडक्रस सोसाइटी उपशाखा चनौली बाट केन्द्रिय सदस्य तिर्थराज घिमिरे सम्मानित पनि हुनु भएको थियो ।साथै चनौली निवासी भावना क्षेष्ठ चनौली रेडक्रस उपशाखाको नया विशिष्ठ सदस्य बन्नु भएको छ ।
उहाँले कार्यक्रममा रु ५०,००० को चेक नेपाल रेडक्रस सोसाइटी चनौलीलाई हस्तान्तरण गर्नु भएको छ । रेडक्रस सदस्य एकनारायण पौडेलले कार्यक्रममा स्वागत मन्तव्य राख्नु भएको थियो भने सचिव ओम लामिछानेले कार्यक्रम सञ्चालन गर्नुभएको थियो।
