हिजो राती अन्दाजी १०:३० बजेको समयमा जिल्ला कैलाली भजनी नगरपालीका वडा नं. ०३ ठेकीपुर बस्ने दल बहादुर साउदको छोरा बर्ष १८ को किरण साउद र जिल्ला कैलाली टिकापुर नगरपालीका वडा नं. ०८ कालीमाटी बस्ने लोक बहादुर साउदको छोरा बर्ष १८ को अनुप साउद बिच ऐ. टिकापुर नगरपालीका वडा नं. ८ कालीमाटी स्थीत स्थानमा बादबिबाद भई झगडा हुदा किरण साउदले अनुप साउदलाई धारीलो हतियार (चक्कु) प्रहार गरी घाईते बनाएको छ भन्ने जानकारी प्राप्त हुनासाथ प्रहरी चौकी कालाकुण्डा र ईलाका प्रहरी कार्यालय टिकापुरबाट प्रहरी टोली घटनास्थल तर्फ खटीगई घाईते अनुप साउदलाई उपचारको लागी टिकापुर अस्पताल कैलालीमा पठाएकोमा उपचारकै क्रममा निज अनुप साउदको ऐ. अं २३:१५ को समयमा मृत्यु भएको र घटनामा संलग्न किरण साउदको खोजतलास पश्चात ईलाका प्रहरी कार्यालय टिकापुरले पक्राउ गरी थप अनुसन्धान कार्य भईरहेको जनाएको छ।