नेकपा (एमाले)को जारी महाधिवेशनमा अध्यक्षका आकांक्षी भीम रावलको पर्चा बाँड्न रोक लगाइएको छ ।
आइतबार बिहान चितवनको सौराहास्थित बन्दसत्र हलबाहिर केही कार्यकर्ताले उनको पर्चा बाँडिरहेका थिए । तर, पार्टीका स्वंयसेवकहरूले पर्चा बाँड्न रोक लगाएका हुन् ।
पर्चामा रावलको तस्बिरसहित ‘अध्यक्ष पदमा मेरो उमेदवारी किन ?’ लगायत लेखिएको छ । रावल आफैँले भने पर्चा बाँडेका होइनन् । कार्यकर्ताले पर्चा बाँडिरहँदा उनी त्यहाँ थिएनन् ।
एमालेको नयाँ नेतृत्व सर्वसम्मत रूपमा चयन गर्ने प्रयास जारी छ । रावलले भने अध्यक्षमा उमेदवारी दिने र पछि नहट्ने अडान कायम राखेका छन् ।
