पछिल्लो २४ घण्टा थप २६५ जनामा कोरोना संक्रमण देखिएको छ। देशभरि ८६१७ जनाको नमूना परीक्षण गर्दा यी संक्रमित देखिएको स्वास्थ्य मन्त्रालयले जनाएको छ।
मन्त्रालयका अनुसार ७११४ जनाको पीसीआर परीक्षण गर्दा २३८ जना र १५०३ जनाको एन्टिजेन परीक्षण गर्दा २७ जनामा संक्रमण देखिएको थियो। त्यस्तै एकैदिन दुई जना संक्रमितको मृत्यु भएको छ। योसँगै नेपालमा कोरोनाबाट मृत्यु हुनेको संख्या ११ हजार ५४३ पुगेको छ।
त्यस्तै पछिल्लो २४ घन्टामा ३५७ जना संक्रमित कोरोनामुक्त भएका छन्। मन्त्रालयका अनुसार ६ हजार ३८६ जना सक्रिय संक्रमित रहेका छन्।
