निराज  रानाभाट , चितवन : चितवन जिल्लाको राप्ती नगरपालिका वडा नम्बर – ०२  ` प्रथम  गडयौली  महोत्सव – २०७८  ´ पुस  १४  गते , बुधबार  (आज) देखि  शुरु  भएको  छ । उक्त  महोत्सव  पुस  २४  गतेसम्म  हुने  छ ।

महोत्सव  आयोजकको  रूपमा “गडयौली  भिलेज  प्रा. लि.” रहेको  छ  भने  सह – आयोजकको  रूपमा  ` युग  ज्योति  युवा  क्लब ´ रहेको  छ ।  महोत्सवको  प्रवर्द्धनमा  ` राप्ती  उद्योग  वाणिज्य  संघ ´ रहेको  छ । महोत्सव  भने  चितवनको  राप्ती   नगरपालिका – ०२ , मेनराेड , गडयौली  चौरमा  हुँदै  छ ।

महोत्सवमा राष्ट्रिय स्तरमा ख्याति प्राप्त कलाकारहरुको मनोरञ्जनात्मक सांगीतिक प्रस्तुति हेर्न पाइने छ । विशेषगरी व्यापार , व्यवसाय र पर्यटनको प्रवर्द्धनलाई विशेष जोड दिइएको महोत्सवको मुख्य आकर्षण हेलिकप्टर रहेको  महोत्सव आयोजक समितिका संयोजक तथा आयोजक संस्था गडयौली भिलेजका अध्यक्ष गणेश लामाले बताए । हेलिकप्टरबाट मौलाकालिका दर्शन तथा चितवन जिल्लाका दृश्यहरु अवलोकन गर्न पाउने उनले बताए ।

महोत्सवमा ५० हजार भन्दा बढी दर्शक सहभागी गराउने उद्देश्य रहेको पनि आयोजक समितिले बताएको छ । कोरोनाले थलिएको बजारलाई उकास्ने हेतुले महोत्सव आयोजना गरिएको पनि समितिले जनाएको छ ।

महोत्सवमा  लाेक  तथा  दोहोरी  गायक  पशुपति  शर्मा , लाेक  तथा  दोहोरी  गायक  रमेश  राज  भट्टराई , लाेक  तथा  दोहोरी  गायक  मिलन  लामा , लाेक  तथा  दोहोरी  गायक  ढाकाराम  पौडेल , लाेक  तथा  दोहोरी  गायक  दिपक  खड्का , लाेक  तथा  दोहोरी  गायक भाेजराज  काफ्ले , लाेक  तथा  दोहोरी  गायिका  िप्रती  अाले , लाेक  तथा  दोहोरी  गायिका  ज्योति मगर , लाेक  तथा  दोहोरी  गायिका  सरिता  श्रेष्ठ , चर्चित  गायक  प्रमोद  खरेल , चर्चित  गायक  दुर्गेश  थापा , चर्चित  गायक  कमल  खत्री , हास्य  कलाकार  बिवस  पाठक , बलराम  सरकार , छेवाङग्  लामा , दीक्षा  सुनार , राम  रिमाल , अनित  बिष्ट , शक्ति  कुमार  गाेदार , जि.वि. सुनार , पार्वती  लोहनी , सीता  कँडेल  लगायतको  विशेष  प्रस्तुति  रहेको  छ । साथै  राप्ती  नगर  खुल्ला  नृत्य  प्रतियोगिता  समेत  रहेको  छ ।