नारायणगढ–मुग्लिन सडकखण्डअन्तर्गत नौ किलोबाट ट्रक त्रिशूलीमा खसेको छ । खाने तेल बोकेको ट्रक आज साँझ त्रिशूलीमा खसेको हो ।
जिल्ला प्रहरी कार्यालय चितवनका प्रमुख प्रहरी उपरीक्षक ओमप्रसाद अधिकारीका अनुसार नारायणगढबाट मुग्लिनतर्फ जाँदै गरेको नम्बर नखुलेको ट्रक इच्छाकामना गाउँपालिका–६ नौ किलोबाट त्रिशूलीमा खसेको हो ।
ट्रकका चालक र सहचालक सम्पर्कविहीन रहेको उनले जानकारी दिए । ट्रकको केही भाग मात्र पानी बाहिर देखिएको छ । घटना लगत्तै उद्धार र खोजी कार्यमा जुटेको उनले बताए ।
