देशभरका विभिन्न ठाउँमा १० जना व्यक्ति मृत फेला परेका छन्।
फेला पर्नेमा काठमाडौंको कीर्तिपुर नगरपालिका-४ स्थित टहरामा बंगुर फारममा काम गर्ने ताप्लेजुङ श्रीजंगा गाउँपालिका-५ घर भएका २३ वर्षीय पदमबहादुर लिम्बु आफ्नै टहरामा शनिबार मृत अवस्थामा फेला परेका छन्।
यस्तै, भक्तपुरको मध्यपुर थिमी नगरपालिका-८ बोड गाँखु बस्ने काभ्रेपलाञ्चोक भगवती गाउँपालिका घर भएका ३४ वर्षीय देवराज थापा आफ्नै घरको कम्पाउण्डमा लगाइएको फलामको रेलिङमा शनिबार मृत अवस्थामा फेला परेका छन्।
त्यसैगरी दैलेखको नारायण नगरपालिका-७ किमिगा बस्ने ६३ वर्षीय नरबहादुर रावत आफ्नै घरमा शुक्रबार मृत अवस्थामा फेला परेका छन्।
यसैगरी झापाको हल्दीबारी गाउँपालिका-२ पशुपतिचोक बस्ने २१ वर्षीय रोहित टुडु आफ्नै घरमा शुक्रबार मृत अवस्थामा फेला परेका छन्।
त्यसैगरी रुकुम (पश्चिम)को बाफीकोट गाउँपालिका-९ बस्ने २६ वर्षीया कमला खनाल आफ्नै घरमा शुक्रबार मृत अवस्थामा फेला परेकी छन्। अस्थायी प्रहरी पोष्ट नखेतबाट र जिल्ला प्रहरी कार्यालयबाट खटिएको प्रहरीले मृतकका श्रीमान्लाई आवश्यक अनुसन्धानको लागि नियन्त्रणमा लिएको छ।
यस्तै बाँकेको खजुरा गाउँपालिका-३ बी गाउँ चोकस्थित त्रिपलब्रो होटलको दोस्रो तलाको २ नम्बर कोठामा नेपालगञ्ज उपमहानगरपालिका-१८ कारकाँदो बस्ने २५ वर्षीय सरोज क्षेत्री शनिबार मृत अवस्थामा फेला परेका छन्।
यसैगरी बाँकेको राप्ती सोनारी गाउँपालिका-७ पिप्रहवास्थित राप्ती नदीमा हाल नाम, थर, वतन, नखुलेका पुरुष शनिबार मृत अवस्थामा फेला परेका छन्।
त्यसैगरी लमजुङको राईनास नगरपालिका-८ देवीथानस्थित बाटोको नालीमा सोही नगरपालिका-९ बगुवा बस्ने ५० वर्षीय पलमान गुरुङ शनिबार मृत अवस्थामा फेला परेका छन्।
यस्तै पर्वतको कुश्मा नगरपालिका-१ राजाको बगरस्थित कालीगण्डकी नदीमा बाग्लुङ, बाग्लुङ नगरपालिका-६ लमगाउँ बस्ने ५१ वर्षीय बलबहादुर थापा शनिबार मृत अवस्थामा फेला परेका छन्।
त्यसैगरी नवलपरासी(पूर्व)को गैंडाकोट नगरपालिका-१० भैँसाखोरीस्थित नारायणी नदीको बगरमा हाल नाम, थर, वतन नखुलेकी अन्दाजी ३० वर्षीया महिला शनिबार मृत अवस्थामा फेला परेकी छिन्।
यस्तै धादिङको धुनिबेशी नगरपालिका-६ नौबिसेस्थित खेतमा नाम, थर, वतन, नखुलेका अन्दाजी ४५ वर्षीय पुरुष शुक्रबार मृत अवस्थामा फेला परेका छन्। यस सम्बन्धमा प्रहरीले आवश्यक अनुसन्धान गरिरहेको छ।
