काठमाडौं उपत्यकामा पछिल्लो २४ घण्टामा २८५ जनामा कोरोना संक्रमण पुष्टि भएको छ ।
पछिल्लो २४ घण्टामा २० हजार ९५९ वटा स्वाब नमुनाको परीक्षण गर्दा देशभर ३८२ जनामा संक्रमण देखिएको थियो । त्यसमध्ये काठमाडौं उपत्यकामा मात्रै २८५ संक्रमित थपिएका हुन् ।
पछिल्लो २४ घण्टामा थपिएका संक्रमितमा काठमाडौंमा मात्रै २४४ जना छन् । यस्तै, ललितपुरमा ३२ र भक्तपुरमा नौ संक्रमित थपिएका हुन् । पछिल्लो २४ घण्टामा कोरोनाका कारण देशभर कसैको पनि मृत्यु पुष्टि भएको छैन । यस्तै, पछिल्लो २४ घण्टामा देशभर २५२ जना निको भएका स्वास्थ्य तथा जनसंख्या मन्त्रालयले शनिबार जनाएको छ ।
