पौष २० , भरतपुर भरतपुर महानगरपालिका २० का स्थानिय जनप्रतिनिधि, वडाका कर्मचारी, स्वयंसेवी, टोल सुधार समिति र पार्टीका सभापतीहरु मिलेर सुटुक्क भ्रमणमा निस्किएका छन् ।
१५ गते देखि १८ गतेसम्म ४ दिन वडाका कामहरु ठप्प पारेर ३० जनाको समूह पुर्वी जिल्लाहरु इटहरी, धरान, इलाम र जनकपुरको भ्रमणमा निस्किएका हुन् । ३१८,००० लागत सहितको कार्ययोजना बनाएर महानगरपालिकाबाट बजेट स्वीकृत गराएर धरान उपमहानगरपालिकासङ समन्वय गरेर अध्ययन शिलशिलामा भ्रमणमा निस्किएको वडा सचिव रामकृष्ण पान्डेले चित्रवन खबरलाई जानकारी दिनुभएको छ ।
भरतपुर २० का का.मु वडाध्यक्ष यज्ञ प्रसाद घिमिरेको नेतृत्वमा भ्रमणमा निस्किएको टोलिले धरान उपमहानगरपालिकाको स्थानीय सरकारको कार्यशैली र योजनाको अध्ययन गरेर फर्किएको जनाएको छ । सुटुक्क भ्रमणमा निस्किनुभएछ नि भन्ने हाम्रो प्रश्नमा, पहिलो अनुभव
भएकोले धेरै कुराहरुमा ध्यान दिन नसकेको र स्थानीयलाई सूचना दिन ध्यान नगएकोमा कमिकमजोरी भएको महशुस गर्नुभएको छ र आगामी दिनमा स्थानीय बुद्धिजीवि, व्यवसायी र पत्रकार सङको समन्वयमा वडाका आगामी कार्ययोजना बनाउने पनि उहाँले बताउनु भएको छ ।
भ्रमणको उपलब्धी के भयो त ? भन्ने विषयमा वडा सचिव पान्डेले विस्तृत जानकारी भ्रमण प्रतिवेदन तयार भएपछी वडाबासीलाई जानकारी गराउने बताउनु भएको छ । उहाँले थप्नुभयो, हाम्रोमा सार्वजनिक काममा स्थानीय सहभागीता अत्यन्तै न्यून रहेको तर धरानमा भने स्थानिय विकास योजनामा २२-३०% सम्म स्थानीय सहयोग हुने गरेको पनि बताउनु भयो । भरतपुर महानगरपालिकाको दुई लाख खर्च भएको उक्त भ्रमणबाट भएका उपलब्धीहरु आगामी दिनमा वडाले गर्ने कार्य सम्पादन र विकास योजना भने हेर्न नै बाँकी छ ।
