भोलि देखि सुरु हुने १३औ संस्करणको चितवन महोत्सव २०७८ को पूर्व सन्ध्यामा उद्योग बाणिज्य संघ चितवन ,साइकल व्यावसायि संघ चितवन- नबलपुर र चितवन साइकल राइडर्स क्लवको संयुक्त आयोजनामा आज बृहत साइकल र्याली संपन्न भएको छ।
उद्योग वाणिज्य संघ चितवन परिसर वाट बिहान ८:०० बजे शुरू भएको साइकल र्याली हरिहर मार्ग, मेनरोड, पोखरा बसपार्क, दियालो बंगला, बाइपास रोड हुदै हाकिम चोक, चौबीसकोठी, शहीद चोकबाट बेलचोक,बाहृघरे, पुलचोक, शाहिदचोक, मिलनरोड, हुँदै उद्योग वाणिज्य संघमा आएर समापन भएको साइकल र्यालीमा १४० जनाको सहभागिता रहेको थियो।
चितवन महोत्सव मुल आयोजक समितिका खेलकुद संयोजक विकास थापाको संयोजनमा भएकाे उक्त कार्यक्रमको उ. वा. संघ चितवनका अध्यक्ष एबम् महोत्सव मुल आयोजक समितिका संयोजक राजु श्रेष्ठले स्वागत मन्तव्य सहित रिवन काटेर साइकल र्यालीको उद्घाटन गर्नु भएको थियो भने साइकल व्यवसायी संघ चितवन- नवलपुरका अध्यक्ष गोपाल प्रसाद सापकोटाले समापन पछि धन्यवाद ज्ञापन गर्नु भएको उक्त र्यालीको प्रविधिक संयोजन चितवन साइकल राइडर्स क्लवका अध्यक्ष र उपाध्यक्ष क्रमश: नवीन खरेल र पदम बहादुर बाँनियाले गर्नु भएको थियो।
सोही अवसरम उक्त र्यालीको समापन पछि चितवन साइकल राइडर्स क्लवको संयोजनमा 20 जना साइकल राइडर्सहरुद्वारा धार्मिक एवम् ऐतिहासिक पर्यटकीय गन्तव्य नवलपुरको गैंडाकोटबाट कालीगण्डकी करिडोर हुँदै हर्दी, केलादी हुदै पवित्र तीर्थस्थल देवघाटधाम मा गएर चितवन महोत्सवको झण्डासहितकाे लोगों अंकित वेलुन उडाउने कार्यक्रम पनि सफलता पुर्वक सम्पन्न भएको कुरा साइकल व्यवसायी संघ चितवन नवलपुरका पुर्व अध्यक्ष धर्मराज सापकोटाले जानकारी गराउनु भयो।
