जिल्ला प्रशासन कार्यालय चितवनका सहायक सिडीओ चिरन्जीवी शर्मा बजार अनुगमनमा आक्रामक बनेका छन्। आज शुक्रबार बजार अनुगमनमा निस्किएका शर्माले पुतलीबजारको गोरखनाथ किराना स्टोर्स लाई ३ लाख रुपैया जरिवाना गरेको छन् ।लक्ष्मी काप्रिको नाममा रहेको सो फर्मले प्यान तथा भ्याट बिल जारी नगरी साधा कापिको पानामा लेखेर बिल बनाएर सामान खरिदकर्तालाई बिल दिएको उजुरी कार्यालयमा परेपछि त्यही बिलका आधारमा अनुगमन गरी तत्काल ३ लाख रुपैया जरिवाना गरिएको सहायक प्रमुख जिल्ला अधिकारी चिरन्जीवी शर्माले बताए ।
संञ्चालकलाई जरिवाना तिर्न आईतबार प्रशासन कार्यालयमा आउन शर्माले निर्देशन गरे ।उपभोक्ता अधिकार संरक्षण ऐनमा वाणिज्य विभागका अधिकारीलाई फिल्डमै ३ लाख सम्म जरिवाना गर्ने अधिकार कानुनले दिएको र सहायक प्रमुख जिल्ला अधिकारी वाणिज्यले तोकेको निरिक्षण अधिकारी भएकाले उहाँलाई ३ लाख रुपैया सम्म जरिवाना गर्ने अधिकार रहेकाले जरिवाना गरिएको खाद्य प्रविधि तथा गुण नियन्त्रण कार्यालय चितवनका प्रमुख घननाथ अधिकारीले बताए ।
व्यवसायीले अनिवार्य बिल लिनु र दिनु पर्ने कसैले पनि बिल नदिई सामान बिक्री गर्न नहुने उनको भनाई छ । अनुगमनका क्रममा केही अखाद्य ध्यु र मुल्य नराखिएको बिस्कुट बरामद समेत गरिएको उनले बताए ।
सो फर्म सरकारी निकायमा नवीकरण समेत नभएको पाईएको उनले बताए । सहायक प्रमुख जिल्ला अधिकारी शर्माको नेतृत्वमा संयुक्त अनुगमन टोलिले बजार अनुगमन गरिरहेको छ ।
त्यस्तै टोलिले जुस पसल बाट मुल्य सुची नभएको ठुलो मात्रामा प्रान जुस नियन्त्रणमा लिएको छ । मुल्य नखुलेका वस्तु बिक्री गर्न नपाईने भएकाले अनुगमन गरी जफत गरेको र बजारमा यो ठुलो समस्या रहेकाले प्रमुख जिल्ला अधिकारी संग छलफल गरी यसलाई आयातमा नै कसरी नियन्त्रण गर्न सकिन्छ भन्ने विषयमा अर्थ मन्त्रालय र भन्सार विभाग संग पनि आवस्यक परामर्श गरिने शर्माले बताए ।
जफत भएको सामान के गर्ने भन्ने निर्णय प्रमुख जिल्ला अधिकारी संग छलफल पछी सार्वजनिक गरिने शर्माले बताए । बंगलादेशमा उत्पादन हुने यो जुसमा मुल्य सुचि नराखी आयात भएका कारण यसबाट उपभोेक्ता ठगिने गरेका छन् ।

यो जुस बजारमा किराना पसल देखी जुस पसलसम्म अत्याधिक बिक्री हुने गर्दछ । यहाँका साना पसले भन्दा पनि ठुला आयातकर्ताबाटै यसलाई नियन्त्रण गर्नुपर्ने व्यवसायिहरु बताउँछन् । यो समाचार सफल खबरमा प्रकाशित भएको छ।