पछिल्लो समय पारासिटामोल ट्याब्लेटको चरम अभाव भनि समाचार आएकोमा औषधि व्यवस्था विभागको ध्यानकार्षण भएको छ। बुधवार विज्ञप्ति निकाल्दै औषधिको अभाव सृजना हुन नदिन नेपाली औषधि उत्पादक र आयातकर्तालाई अनुरोध गरेको छ।
विभागका महानिर्देशक नारायण ढकालद्वारा जारी विज्ञप्तिमा विभागमा दर्ता भएका नेपाली औषधि उत्पादक कम्पनिहरुलाई मौज्दातमा रहेको कच्चा पदार्थ र थप परिमाण व्यवस्था गरि उत्पादन तथा यथोचित विक्री वितरण गर्न र पैठारीहरुले पनि सिफारिस पत्र अनुसार नियमित आयात गरि आपूर्ति, वितरण तथा सहज उपलब्धता सुनिश्चित गराउन पनि विभागले आग्रह गरेको छ।
साथै उक्त उक्त औषधिको बजारमा अभाव हुन नदिन प्रभावकारी ढंगले काम गर्न पनि सरोकारवाला संस्थाहरुलाई अनुरोध गरेको छ।
त्यसैगरी आज स्वास्थ्य मन्त्रालय द्वारा जारी प्रेस विज्ञप्तिमा पनि पर्याप्त मात्रामा औषधि उपलब्ध रहेकोले खरिद गर्नका लागि नेपाल औषधि लिमिटेडमा सम्पर्क गर्न पनि अनुरोध गरेको छ।
