साउथह्याम्पटनले इंग्लिस प्रिमियर लिग लिडर म्यानचेस्टर सिटीको विजयी यात्रामा रोक लगाएको छ ।
लगातार १२ खेलमा जित दर्ता गरेको म्यानचेस्टर सिटी शनिबार राति भएको खेलमा साउथह्याम्पटनसँग बराबरीमा रोकिएको हो ।
घरेलु मैदानमा भएको खेलमा साउथह्याम्पटनले सिटीसँग १–१ को बराबरी खेल्दै अंक बाँडेको हो । सातौँ मिनेटमा वाल्कर पिटर्सको गोलबाट साउथह्याम्पटनले सुरुवाति अग्रता लियो ।
६५ औँ मिनेटमा लापोर्तेले म्यानचेस्टर सिटीका लागि बराबरी गोल गरेका हुन् । सो गोलका लागि केविन डी ब्रूयनाले सहयोग गरे ।
बराबरीपछि २३ खेलबाट ५७ अंकसहित शीर्ष स्थानमा छ । दोस्रो स्थानमा रहेको लिभरपुलको २१ खेलबाट ४५ अंक छ । १२ औँ स्थानमा रहेको साउथह्याम्पटनको २२ खेलबाट २५ अंक छ ।
अरु खेलमा एस्टन भिल्लाले एभर्टनलाई १–०, वुल्भ्सले ब्रेन्टफोर्डलाई २–१, न्यूक्यासलले लीड्सलाई १–० र म्यानचेस्टर युनाइटेडले वेष्ट ह्यामलाई १–० ले पराजित गरेको छ ।
