सोमबार साँझ न्युज २४ टेलिभिजनको कार्यक्रम “अन द स्पट” मा प्रशारित भरतपुर अस्पताल विशेष कार्यक्रममा बिरामीहरुले औषधि नपाएको गुनासो गरेका थिए। मध्य नेपालकै सबैभन्दा ब्यस्त अस्पतालमा पर्छ भरतपुर अस्पताल भने औषधि नपाउने समस्यामा चाई अग्रणी स्थान मा पर्छ भन्छन बिरामीहरु। बिमामा पाउनुपर्ने औषधि पनि छैन भन्दै महिनौ देखि नदिएको गुनासो गरे एकजना बिरामीले र पैसै तिरेर किन्छु भन्दा पनि औषधि उपलब्ध छैन भरतपुर अस्पतालको फार्मेसीमा जसकारण लाखौंको घाटा बेहोरिरहेको छ अस्पताल।
उक्त कार्यक्रममा देखाइएको मेसु संगको अन्तर्वार्तामा पनि आफु निमित्त प्रमुख मेडिकल सुपर इन्टेन्डेन्ट भएर आएको भर्खर केहि महिना भएको र अस्पतालको स्टोरमा फार्मेसिबाहेक अरु जनशक्ति किन राखिएको भन्ने प्रश्नमा उहाँको प्रतिक्रिया अनुसार पहिले देखिनै यसरीनै चलिआएको थियो र अहिलेपनि उस्तै छ भन्दा कतै निमित्त मेसु पनि राजनैतिक दबाबमा वा कर्मचारीहरुको दबाबले गर्दा फार्मेसी निर्देशिका ऐन विपरित फार्मेसीमा फर्मासिस्ट बिनानै अहेब द्वारा संचालन गर्ने अनुमति दिरहेका छन् त ?
चितवनमा हुनुहुने फर्मासिस्टहरुलाई आफ्नो पेसागत मर्यादा र अधिकारको लागि आवाज उठाउन जरुरि देखिन्छ। फर्मासिस्टको ठाउमा अहेबले हुनु भनेको लज्जास्पद कुरा पनि हो फार्मेसी पेसाकर्मीहरुको लागि।
उक्त अन्तर्वार्तामा जनाइए अनुसार औषधि सप्लाई गर्ने कम्पनीहरुलाई पनि खरिदको लागि कुनै पत्र नपठाईएको र यदि पठाइहाले पनि न्युन मात्रामा मात्र माग गरिने जानकारी दिइएको छ।
पुरा अन्तर्वार्ता हेर्ने क्रममा बिरामीहरुले निशुल्क बिमामा पाउने औषधि पनि नपाइएकोले सास्ती भोग्न परेको पनि दुखेसो पोखे।
अन्तर्वार्ताकै क्रममा टेन्डर प्रक्रिया मार्फत औषधि र सर्जिकल सामानको सप्लाई गर्ने सम्झौता गरेका हिमसागर मेडिकलका प्रबन्धक हिमलाल काफ्लेका अनुसार सम्झौता मिति सक्किएको केहि महिना भैसक्दा पनि कुनै पर्चेज अर्डर न-आएको र आफुलाई परेको औषधि अन्य कतैबाट खरिद गरिएको पनि आशंका व्यक्त गरेका थिए।
यति धेरै ब्येतिथि हुँदाहुँदै पनि मेसुको अबका कदमहरु कसरि अगाडी बढछन् भन्ने बिषयले अबको भरतपुर अस्पतालका बिरामीको औषधि उपचारको सुबिधा र औषधी उपलब्धताको भबिस्य निर्धारण गर्छ।
