विनोद अधिकारी चितवन,वैशाख-२०  : आशन्न स्थानीय तहको निर्वाचनमा नेकपा माओवादिको तर्फबाट भरतपुर महानगरपालिका वडा नं.२६ का वडा अध्यक्षका उमेदवार ज्ञान प्रसाद खनाल वडाध्यक्ष भएर ५ वर्ष सेवा गरिसकेका छन् । आफुले वडावडाध्यक्षका रुपमा स्थानिय तहमा काम गर्दा बटुलेको अनुभव नै अहिले पुन वडा अध्यक्षको उमेदवारी दिने आधार भएको उनले बताउँदै आएकाछन् ।

धार्मिक, शैक्षिक क्षेत्रमा बटुलेको अनुभवले समुदायमा चिरपरिचित खनाल समुदायसंग नजिक रहेर काम गरेकै कारण सबैको प्रिय छन् । २०२२ सालमा चितवनमा नै जन्मिएका खनाल सानै राजनीतिमा सक्रिय पार्टीका संगठित सदस्य पनि हुन् । नारायणी नदि कटानबाट क्षति पुगेका पिडितहरुलाइ उचित क्षतिपुर्ति तथा तटबन्धन छिटो सम्पन्न गर्ने, शुद्द पिउनेको सुनिश्चिता गर्ने, भुमिहिन तथा अव्यवस्थित बसोबास गर्नेका लागी उचित व्यवस्थापन गर्ने खनालले पत्रकारहरुलाइ बताए ।

आफ्नो वडाको विकास गर्न कुन कुरालाई प्राथमिकतामा राख्नुपर्छ भन्ने बुझेको र महानगरमा काम गर्ने तरिका पनि बुझेकाले जनताले आफुलाई जिताउने उनको दावी छ ।