माडी नगरपालिका—५ राधापुरका रामप्रसाद तिवारी सिजिलै हिड्न सक्ने सपना बोकेर भरतपुरको मौलाकालिका अस्पतालमा आएका थिए । तर, उनको त्यो सपना सपनामै सिमित बन्यो । उनको उपचार सफल हुन सकेन । अस्पताल आईपुगेको आधा घण्टामै मृत्यु हुन पुग्यो । खुट्टामा राखिएको स्टिल पाता झिक्न आएका उनको उपचारकै क्रममा मृत्यु भयो । अप्रेसन कक्षमा पसेको आधा घण्टामै मृत्यु भएको उनका भाई प्रजापती तिवारी जानकारी दिए ।

अस्पतलाको लापरबाहीले गर्दा बिरामीको मृत्युभएको उनले आरोप लगाए । ‘चैत ११ गते सोमेश्वर मध्यवर्ती सामुदायीक वनमा आगो निभाउन जाँदा लडेर खुट्टा भाचिँएको थियो । सोही दिन मौलाकालिका अस्पतालमा खुट्टामा रड हालेर गएको हो । डाक्टरले आज रड निकाल्न बोलाएको थियो,’ उनले भने, ‘ बैशाखी टेकेर गाडीमा चढ्नुभएको थियो । अस्पतालको अप्रेसन कक्षमै छिरेको आधा घण्टामै उहाँको मृत्यु हुन पुग्यो ।’ उनलाई मंगलबार विहान ८ बजे मौलाकालिका अस्पतालको अप्रेसन कक्षमा लगेका थिए । त्यसको आधा घण्टा भरतपुर अस्पतालमा रिफर गरेको उनले बताए ।

‘दाईलाई ८ बजेनै भित्र लगेका हुन् । अप्रेसन सुरु भएको आधा घण्टापछि डाक्टरहरु मुखामुख गर्न थाल्नुभयो । कोही बाहिरबाट अक्सिजन लिएर आउनुभयो,’ हतास मुन्द्रामा तिवारीले भने, ‘उहाँहरुले नै एम्बुलेन्स खोजेर सरकारी अस्पताल लैजानुभयो ।’ भरतपुर अस्पताल लगेको पाँच मिनेटमा चिकित्सकले मृत्य घोषणा गरेका थिए ।

५२ वर्षीय मृतक तिवारी बघौँडा मध्यवर्ती सामुदायीक वन उपभोक्ता समितिका अध्यक्ष हुन् । उनको खुट्टामा रड डा.श्रवणकुमार थापाले राखेका थिए । त्यसपछि बैशाखी टेकेर हिड्डुल गर्न सक्ने अवस्थामा रहेको उनका भाई तिवारीले बताए । बिरामीको रिपोर्ट अस्पतालले दिएको छैन ।

भरतपुर अस्पतालका मेडिकल सुपरिटेण्डेन्ट प्रा.डा.कृष्णप्रसाद पौडेलले भरतपुर अस्पताल आउँदा सिरियस अवस्थामा आएको बताए । ‘हामीकहाँ ९ बजेतिर आउनुभएको थियो । इमेरजेन्सिमा इसिजि गरेर आइसियूमै लैजादै गर्दा उहाँको मृत्यु भईसकेको थियो—उनले भने ।

खुट्टाको रड निकाल्दा साधारण अप्रेसन गरिन्छ । ‘उहाँहरुको रड निकालेर ब्याण्डेज गर्दा सिजर भएको देखेर हामी कहाँ ल्याउनुभएको रहेछ । सिजर भएपछि बाच्ने सम्भावना कम हुन्छ,’— उनले भने । एक्सरे गर्दा मुटुको मुल नलिमा रगत जमेको देखिएको बताए । अप्रेसन गर्दा १००० जना एक जनालाई हुन सक्ने उनको भनाई छ । ‘पल्मोनरी इम्बोलिजम हुँदा बचान कठिन हुन्छ,’उनले भने ‘यस्तो अवस्था मिस्टेक्ली पनि हुन सक्छ । तर, यो केशमा मिसयाप भएको हुन सक्छ।’ उनले केशको अनुसन्धान गर्नुपर्ने बताए ।

मौलाकालिका अस्पतालका प्रबन्ध निर्देशक डा. केशवराज भुर्तेलले भने अस्पतालले कुनै लापरबाही नगरेको दाबी गरेका छन् । ‘खट्टाको रड निकाल्ने क्रममा हटट्याक भएछ । जनतालाई लापरबाही गर्यो भन्ने भान भयो’उनले भने, ‘कहिले काही यस्तो हुन्छ ।’ बिरामीलाई भरतपुर अस्पताल लैजाने समयमा समेत अस्पतालले आफ्न्तलाई थाहा दिएको थिएन ।

चिकित्सकले लापरबाही गरेको भन्दै अस्पताल समेत घेराऊ गरेका छन् । त्यहाँ मौलाकालिका चिकित्सक आफैले भरतपुर अस्पतालमा उपचारका लागि लगेका थिए । बिरामीका आफ्न्तलाई समेत थाहा नदिई लैजाँदा उनीहरुमा आक्रोस बढेको छ ।