छाेटाे समयमा नै धेरै प्रयाेगकर्ता कमाएकाे सामाजिक सञ्जाल टिकटकले नयाँ फिचर थपेकाे छ।
नयाँ फिचर प्रयोग गरेर टिकटक प्रयोगकर्ताले आफ्ना स्टोरीहरू सिधै इन्स्टाग्राम र फेसबुक सेयर गर्न सक्नेछन्। यसकाे लागि प्रयाेगकर्ताकाे इन्स्टाग्राम र फेसबुक एकाउन्ट हुनु अनिवार्य आवश्यक रहन्छ।
कम्पनीले हालै थपेकाे याे फिचर हालकाे लागि केही सीमित प्रयाेगकर्ताका लागि मात्र उपलब्ध रहनेछ। यसका साथै यो फिचरसँगै टिकटकका सामग्रीले मेटाको प्लेफर्ममा थप ‘भिजिबिलिटी’ पाउने अनुमान गरिएको छ।
कतिपय प्रयोगकर्ताले टिकटकको भिडियाे नै डाउनलोड गरेर रिल्समा राख्ने पनि गरेका छन्। तर मेटाले भने रिल्समा नै बनाइएका मौलिक भिडियाेलाई मात्र प्राथमिकता दिने बताउँदै आएको छ।
यसअघि ‘शेयरिङ’ अप्सनमा डाउनलोड गरेर अर्को प्लेटफर्ममा अपलोड गर्ने अथवा टिकटककै साथीलाई डाइरेक्ट मेसेजमा सेयर गर्ने सुविधा मात्र थियो। अब भने सिधै इन्स्टाग्राम र फेसबुकमा सेयर गर्न पाउँदा प्रयाेगकर्ताकाे पहुँच बढ्ने आँकलन गरिएकाे छ।
टिकटकका अनुसार यो फिचर आएसँगै स्टोरीको ‘क्विक ट्याप’ अप्सनमा रेड्डिट, फेसबुक, इन्स्टाग्राम र इन्स्टाग्राम स्टोरिज पनि उपलब्ध हुनेछ।
यसका साथै, टिकटककाे भिडियाे सेभ गरेर इन्स्टाग्राम र फेसबुकमा सेयर गर्दै आएका प्रयाेगकर्ताले सिधै सेयर गर्न पाउँदा समयकाे बचत हुनुका साथै भिडियाेकाे क्वालिटीमा पनि कमी नआउने आँकलन गरिएकाे छ।
