चितवन कार्तिक २८ : तीन खेलको एकदिवसीय सिरिजको पहिलो खेलमा युएईले नेपाललाई २ सय ६४ रनको लक्ष्य प्रस्तुत गरेको छ।
टियू मैदान कीर्तिपुरमा टस हारेर पहिलो ब्याटिङ गरेको युएईले निर्धारित ५० ओभरमा ७ विकेट गुमाएर २ सय ६३ रन बनायो।
युएईका लागि रोहन मुस्ताफाले सर्वाधिक ५३ रन बनाउँदा ओपनरहरू मुहम्मद वासिमले ४० र भ्रित्या अर्विन्दले ४० रन बनाए।
उनीहरूले पहिलो विकेटका लागि ७५ रनको साझेदारी गरेका थिए। त्यस्तै, अलिसान सर्फुले २९ रन बनाउँदा आयान अफ्जाल खान २६ रन बनाए। त्यस्तै, अहम्मेद रजाले २७ रन बनाउँदा बसिद हमिद १४ रनमा आउट भए।
नेपालका लागि गुल्सन झाले २ विकेट लिँदा सोमपाल कामी र दीपेन्द्र सिंह ऐरीले १-१ विकेट हात पारे।
